ডিজিটেল ডেস্কঃ এতিয়াও অশান্ত হৈ আছে মণিপুৰ। সংঘৰ্ষজৰ্জৰ মণিপুৰত সময়ে সময়ে সংঘটিত হৈ আছে বহুকেইটা বিক্ষিপ্ত ঘটনা। এইবাৰ ঘৰৰ পৰাই অপহৰণ কৰা হল সেনা বিষয়াক।
মণিপুুৰৰ থৌবাল জিলাত আজি একাং লোকে ঘৰৰ পৰাই অপহৰণ কৰিছে ভাৰতীয় সেনাৰ এজন জুনিয়ৰ কমিচনড অফিচাৰ (জেচিঅ’)ক।
অপহৃত বিষয়াজনৰ নাম কনছাম খেদা সিং। পুৱা প্ৰায় ৯ বজাত সংঘটিত হয় এই অপহৰণৰ ঘটনা। চৰাংপট মামাং লেইকাইস্থিত সিঙৰ ঘৰত প্ৰৱেশ কৰি একাংশ লোকে তেওঁক অপহৰণ কৰে।
অচিনাক্ত দলটোৱে খেদা সিঙক এখন বাহনৰ ভিতৰত ভৰাই সেইস্থানৰ পৰা পলায়ন কৰে বুলি জানিব পৰা গৈছে। এই ঘটনাই ৰাজ্যখনৰ নিৰাপত্তাহীন ব্যৱস্থাৰ ফোঁপোলা স্বৰূপ উদঙাই দিছে।
অপহৰণকাৰীয়ে ধন আদায়ৰ বাবে খেদা সিঙক অপহৰণ কৰিছে বুলি সন্দেহ কৰা হৈছে। ইতিপূৰ্বে সিঙৰ পৰিয়ালে এনে ভাবুকি লাভ কৰা বুলি বিষয়াসকলে লগতে সদৰী কৰিছে।
জে চি অ’ খেদা সিঙক উদ্ধাৰৰ বাবে অভিযান আৰম্ভ কৰিছে নিৰাপত্তা বাহিনীয়ে।
Continue Reading
