ডিজিটেল ডেস্কঃ বিগ বছ ১৩ত প্ৰেমসূত্ৰত বান্ধ খোৱা অসীম ৰিয়াজ আৰু হিমাংশী খোৰানাৰ মাজত বিচ্ছেদ হৈছে৷ বহুবছৰ ধৰি একেলগে থকাৰ পাছত দুয়োৰে মাজত বিচ্ছেদ ঘটিছে। এই খবৰৰ পাছতেই অসীম আৰু হিমাংশীৰ অনুৰাগী যথেষ্ট স্তম্ভিত হৈ পৰিছে। ছ’চিয়েল মিডিয়াত এটা পোষ্ট শ্বেয়াৰ কৰি এই খবৰ নিশ্চিত কৰিছে হিমাংশীয়ে।
হিমাংশীয়ে পোষ্ট কৰি লিখিছে- “হয়, আমি আৰু একেলগে নাই।' আমি যি সময় একেলগে কটালোঁ সেয়া অনুপম, কিন্তু এতিয়া আমি একেলগে নাই। আমাৰ সম্পৰ্কৰ যাত্ৰা আছিল অসাধাৰণ আৰু এতিয়া আমি আমাৰ জীৱনত আগবাঢ়িছোঁ। নিজ নিজ ধৰ্মক সন্মান জনাই আমি আমাৰ ভিন্ন ধৰ্মীয় বিশ্বাসৰ বাবেই আমাৰ প্ৰেমক ত্যাগ কৰিছোঁ। আমাৰ ইজনৰ সিজনৰ বিৰুদ্ধে একো নাই। আমাৰ গোপনীয়তাক সন্মান কৰিবলৈ আমি আপোনালোকক অনুৰোধ জনাইছোঁ-হিমাংশী।”
উল্লেখ্য যে অনুৰাগীয়ে হিমাংশী আৰু অসীমক বহুত মৰম দিছে। অনুৰাগীসকলে তেওঁলোকক ‘আছিমংশী’ বুলি অভিহিত কৰিছিল। দুয়োৰে ফটো আৰু ভিডিঅ’ আগতে যথেষ্ট ভাইৰেল হৈছিল। দুয়োৰে মাজত প্ৰেমৰ যাত্ৰা আৰম্ভ হৈছিল বিগ বছ ১৩ৰ পৰা। শ্ব’টোত হিমাংশী আছিল ৱাইল্ড কাৰ্ড প্ৰতিযোগী। অসীমে হিমাংশীৰ প্ৰেমত পৰিছিল আৰু গোটেই ছিজনটো হিমাংশীৰ লগত ফ্লাৰ্ট কৰা দেখা গৈছিল। সেই সময়ত হিমাংশী আন কাৰোবাৰ লগত এংগেজমেণ্ট হৈছিল। কিন্তু পাছত হিমাংশীয়ে নিজৰ এংগেজমেণ্ট ভাঙি অসীমৰ লগত অহাৰ সিদ্ধান্ত ল’লে। অসীমে হিমাংশীক বিগ বছ হাউচতে প্ৰপ’জ কৰিছিল আৰু শ্ব’ এৰি যোৱাৰ পাছতো দুয়ো একেলগে থাকিল। কিন্তু দীৰ্ঘসময় একেলগে থকাৰ পাছত এতিয়া দুয়োৰে মাজত বিচ্ছেদ ঘটিছে।
Continue Reading
