ডিজিটেল ডেস্কঃ সংগীৰ অভাৱত অকলেই হানিমুনলৈ গ’ল ৩৭ বছৰীয়া এগৰাকী যুৱতী। জীৱনত সুখ পাবলৈ ল'ৰাৰ ওপৰত নিৰ্ভৰ কৰিব নিবিচাৰে তেওঁ। যুৱতীগৰাকীৰ নাম ব্ৰিটানি এলিন। তেওঁ ইটালীত অকলেই হানিমুন কটাই চৰ্চালৈ আহিছে।
ইনষ্টাগ্ৰাম ইনফ্লুৱেন্সাৰ ব্ৰিটানিয়ে কয় যে তেওঁ পাঁচ বছৰ ধৰি সম্পৰ্কত আছিল। কিন্তু একেবাৰেই সুখী নাছিল। ব্ৰিটানিয়ে কয়- ''মই নিজকে বহুত ভাল পাওঁ। গতিকে অকলে হানিমুনলৈ যোৱাৰ ধাৰণাটো মনলৈ আহে। মোৰ মা-দেউতাইও মোৰ কাষত থিয় দিয়ে। তেওঁলোকৰ মতে মই জীৱনটোক সম্পূৰ্ণৰূপে উপভোগ কৰা উচিত।’’
২০ বছৰ বয়সত ব্ৰিটানিৰ মানসিকতা আছিল একেবাৰে বেলেগ। ব্ৰিটানীয়ে কয়- “মই ভাবিছিলো যে মই প্ৰেম কৰিম আৰু বিয়া হ’ম, এটা সুখী পৰিয়াল গঢ়িম, সন্তান জন্ম দিম। সেই সময়ত মই ঘৰৰ পৰা বেছিকৈ ওলাই যোৱা নাছিলো। মই ভাবিছিলো যে সংগীৰ সৈতে ভ্ৰমণ কৰাটো বেছি সুখ। কিন্তু মোৰ সংগীৰ লগত বিচ্ছেদ হোৱাৰ পিছত মোৰ গোটেই ধাৰণাটো সলনি হৈ গ’ল।’’
সেয়েহে ব্ৰিটানীয়ে ব্ৰেকআপ উদযাপনৰ বাবে ভ্ৰমণৰ পৰিকল্পনা কৰে। তেওঁৰ ভ্ৰমণৰ বিভিন্ন ভিডিঅ’ তেওঁৰ অনুৰাগীৰ সৈতে শ্বেয়াৰ কৰে। তেওঁৰ ভ্ৰমণ কাহিনী সকলোৰে পৰিচিত হৈ পৰিছে। তেওঁৰ একক ভ্ৰমণৰ অভিজ্ঞতা অনুৰাগীৰ সৈতে ভাগ কৰি তেওঁ সুখ পাইছিল।
