ডিজিটেল ডেস্কঃ আহমেদাবাদত অষ্ট্ৰেলিয়াৰ বিৰুদ্ধে ভাৰতে চতুৰ্থখন টেষ্ট খেলিছে। দলটোত আছে বিৰাট কোহলী, ৰবিচন্দ্ৰন অশ্বিন। চতুৰ্থ টেষ্টত এই দুই ভাৰতীয় ক্ৰিকেটাৰে কেইবাটাও অভিলেখ গঢ়িবলৈ সাজু হৈছে। কোহলীয়ে যেনেকৈ ভাৰতৰ প্ৰাক্তন ক্ৰিকেটাৰক অতিক্ৰম কৰাৰ সুযোগ পাইছে, তেনেদৰে অশ্বিনেও উইকেটৰ ক্ষেত্ৰত এজন প্ৰাক্তন ভাৰতীয় ক্ৰিকেটাৰক অতিক্ৰম কৰাৰ সুযোগ পাইছে।
যোৱা তিনিখন মেচত কোহলীয়ে বেছি ৰান কৰিব পৰা নাছিল। কিন্তু এই মেচত যদি তেওঁ আৰু ৪২ ৰান কৰে তেন্তে তেওঁ দেশৰ মাটিত টেষ্টত ৪০০০ ৰান সংগ্ৰহৰ নজিৰ গঢ়ি তুলিব। ভাৰতৰ শচীন টেণ্ডুলকাৰ, ৰাহুল দ্ৰাবিড়, সুনীল গাওস্কাৰ আৰু বীৰেন্দ্ৰ ছেহৱাগৰ আছে এই কৃতিত্ব। এই টেষ্টত যদি কোহলীয়ে ৪২ ৰান কৰিব পাৰে তেন্তে তেওঁ হ’ব তৃতীয় সৰ্বাধিক বেটছমেন ভাৰতীয় বেটছমেন। দ্ৰাবিদ আৰু গাওস্কাৰ পাছ পেলাব। বাকীসকলতকৈ কোহলীৰ গড় (৫৮) যথেষ্ট বেছি।
আনহাতে, আন্তঃৰাষ্ট্ৰীয় ক্ৰিকেটত ৭০০ উইকেট দখল কৰিবলৈ অশ্বিনক আৰু ১০টা উইকেটৰ প্ৰয়োজন। ৩৬ বছৰীয়া স্পিনাৰগৰাকীয়ে এই পৰ্যন্ত ৪৬৭টা টেষ্ট উইকেট দখল কৰিছে। এদিনীয়াত তেওঁ ১৫১টা আৰু টি-২০ত ৭২টা উইকেট দখল কৰিছে। এই প্ৰতিবেদন লিখালৈকে তেওঁ প্ৰথম ইনিংছত এটা উইকেট দখল কৰিছে। অৰ্থাৎ আৰু ৯টা উইকেট বাকী আছে।
ইয়াৰ উপৰিও অষ্ট্ৰেলিয়াৰ বিৰুদ্ধে সৰ্বাধিক উইকেট দখল কৰা ভাৰতীয় বলাৰৰ তালিকাত এতিয়া অনিল কুম্বলে শীৰ্ষস্থান দখল কৰিছে। অশ্বিনক অভাৰটেক কৰিবলৈ আৰু তিনিটা উইকেটৰ প্ৰয়োজন। অষ্ট্ৰেলিয়াৰ বিৰুদ্ধে কুম্বলে ১১১টা উইকেট দখল কৰে। এই পৰ্যন্ত অশ্বিনৰ ১০৯টা উইকেট আছে।
Continue Reading
