পাক ক্ৰিকেটাৰৰ পত্নীকলৈ ধাৰাভাষ্যকাৰ চাইমন দুলে কৰা মন্তব্যকলৈ প্ৰতিক্ৰিয়া , কি মন্তব্য কৰিছিল দুলে?

ইয়াৰ পিছতেই আৰম্ভ হৈছিল বিতৰ্ক। এইবাৰ তেওঁ আন এগৰাকী  পাকিস্তানী ক্ৰিকেটাৰ হাছান আলীৰ পত্নীৰ বিৰুদ্ধে বিতৰ্কিত মন্তব্য কৰাৰ অভিযোগ উত্থাপন হৈছে। এইবাৰোতেওঁ এটা ভাষ্য দিয়াৰ সময়তে এনে ঘটনা ঘটে।  

ইছলামাবাদ ইউনাইটেড আৰু মুলতান চুলতানৰ মাজৰ খেল খন পিএছএলত চলি আছিল। সেই খেলখনত ইছলামাবাদে মুলতানক পৰাস্ত কৰে। সেই সময়ত দুলে লে ভাষ্য দি আছিল। ইছলামাবাদ দলৰ ডাগ-আউট আৰু আনন্দিত হৈ পৰা সমৰ্থকসকলক দেখুওৱা হৈছিল। পাকিস্তানৰ পেচাৰ হাছান আলীৰ পত্নী ছামিয়া আৰজুকো  সেই সময়ত স্ক্ৰীণত  দেখুওৱা হৈছিল। তেওঁ ইছলামাবাদৰ জাৰ্চি পিন্ধি আছিল। সেই সময়ত দুলে ছামিয়া আৰজুক লক্ষ্য কৰি কৈছিল, "তেওঁ জিকিছে। মই নিশ্চিতভাৱে ক'ব পাৰোঁ যে তেওঁ কেইবাজনো লোকৰ হৃদয় জয় কৰিছে। মহান। চমৎকাৰ। এই জয়টোও মহান। "

দুলৰ মন্তব্য সামাজিক মাধ্যমত বিয়পিবলৈ বেছি সময় নালাগিল। বহুতে  ধাৰণা কৰিছে যে দুলৰ এই মন্তব্য ছামিয়া আৰজুক কেৱল প্ৰশংসা কৰিবলৈ কৰা মন্তব্য নাছিল।  এজন পাকিস্তানী ক্ৰিকেটাৰৰ পত্নীৰ প্ৰতি এয়া তেওঁৰ অশালীন ইংগিত আছিল বুলিও বহুতে মন্তব্য  কৰিছে। বহুতে ধাৰণা কৰিছে  যে দুলে ছামিয়া আৰজুৰ প্ৰতি যৌন গন্ধী ইংগিত দিছিল।  উল্লেখ্য ইয়াৰ পূৰ্বে নিউজিলেণ্ডৰ প্ৰাক্তন ক্ৰিকেটাৰ চাইমন দুলে  বাবৰৰ খেলকলৈ সমালোচনা কৰিছিল। বাবৰৰ দলটোৱে ২০ অভাৰত ২৪০ ৰাণ সংগ্ৰহ কৰি পৰাজিত হৈছিল। বাবৰে এটা শতক অৰ্জন কৰিছিল। কিন্তু দুলে অভিযোগ কৰিছিল যে বাবৰে শতক অৰ্জন কৰিবলৈয়ে ধীৰ গতিত খেলিছিল। নিউজিলেণ্ডৰ প্ৰাক্তন ক্ৰিকেটাৰজনে ৩২ খন টেষ্ট আৰু ৪২ খন এদিনীয়া খেলিছে। সোঁহাতৰ পেচাৰজনে আন্তঃৰাষ্ট্ৰীয় ক্ৰিকেটত ১৩৪  টা উইকেট লাভ কৰিছে। তেওঁ ১৯৯২ চনত খেলপথাৰত আত্মপ্ৰকাশ কৰিছিল। তেওঁ শেষবাৰৰ বাবে ২০২০ চনত নিউজিলেণ্ডৰ হৈ খেলিছিল।