ডিজিটেল ডেস্কঃ ইতিমধ্যে হলিউডত অভিষেক ঘটাইছে দীপিকা পাডুকনে। যোৱা বছৰ দীপিকাইও অস্কাৰৰ মঞ্চত ভৰি দিছিল। এইবাৰ বাফটাৰ মঞ্চত দেখা যাব দীপিকাক। ব্ৰিটিছ একাডেমী অৱ ফিল্ম এণ্ড টেলিভিছন আৰ্টছৰ বঁটা প্ৰদান অনুষ্ঠানত অংশগ্ৰহণ কৰিব দীপিকাই। মঙলবাৰে ইনষ্টাগ্ৰাম ষ্ট’ৰীত এই খবৰ দিয়ে অভিনেত্ৰীগৰাকীয়ে। লণ্ডনৰ ৰয়েল ফেষ্টিভ অডিটৰিয়ামত অনুষ্ঠিত হ’ব লগা ‘বাফটা’ অনুষ্ঠান।
১৯ ফেব্ৰুৱাৰীত দীপিকাই চিনেমা জগতৰ উৎকৃষ্টতাক সন্মান জনাই এই আন্তঃৰাষ্ট্ৰীয় মঞ্চখন পোহৰাই তুলিব। এই মঞ্চত দীপিকাক ডেভিদ বেকহাম, কেট ব্লেনচেট, দুয়া লিপাৰ দৰে তাৰকাৰ সৈতে একে শাৰীতে দেখা যাব।
অভিনেত্ৰীগৰাকীয়ে ২০২৩ চনত অস্কাৰৰ মঞ্চত উপস্থাপক হিচাপে উপস্থিত আছিল। ভাৰতীয় ছবি ‘আৰ আৰ আৰ’ৰ ‘নাতু নাতু’ গীতেৰে অস্কাৰৰ মঞ্চত ব্ৰডৱে ষ্টাইলৰ অভিনয়ৰ কথা ঘোষণা কৰে দীপিকাই। তেওঁ সমগ্ৰ দেশক গৌৰৱান্বিত কৰিছিল। এইবাৰ দীপিকাৰ সফলতাৰ মুকুটত এটা নতুন পাখি সংযোজন কৰিবলৈ গৈ আছে।
Continue Reading
