ডিজিটেল ডেস্কঃ অসমবাসীৰ বাবে আন এক সুখবৰ৷ আন্তঃৰাষ্ট্ৰীয় পৰ্যায়ত পুনৰ অসম তথা ভাৰতৰ নাম উজ্জবল কৰিবলৈ ওলাইছে এগৰাকী অসমীয়াই৷ মাৰ্কিন ৰাষ্ট্ৰপতি জো বিডেনৰ উপদেষ্টাৰ পদত নিযুক্তি লাভ কৰিছে এগৰাকী অসমীয়া যুৱকে৷ নাম তেওঁৰ ড০ ৰূপম শৰ্মা৷
যোৰহাট অভিযান্ত্ৰিক মহাবিদ্যালয়ৰ পৰা ডিগ্ৰী গ্ৰহণ কৰা ড০ ৰূপম শৰ্মাই বৰ্তমান আমেৰিকাৰ কেলিফৰ্ণিয়াৰ চেক্ৰামেণ্টোত বাস কৰি আছে৷ ড০ ৰূপম শৰ্মাই অহা সপ্তাহত আমেৰিকা যুক্তৰাষ্ট্ৰৰ ৰাষ্ট্ৰপতি জো বিডেনৰ উপদেষ্টা হিচাপে যোগদান কৰিব। তেওঁ আগতে এপল’ৰ এজন বিজ্ঞানী হিচাবে কাৰ্যনিৰ্বাহ কৰিছিল৷
তেওঁ বৰ্তমান কেলিফৰ্ণিয়া প্ৰদেশৰ চিআইঅ' হিচাপে নিযুক্ত হৈ আছে। ৫ এপ্ৰিলত আমেৰিকা যুক্তৰাষ্ট্ৰৰ ৰাষ্ট্ৰপতি বিডেনৰ পৰামৰ্শদাতা হিচাপে যোগদান কৰিব ৷ তেওঁ মানৱ স্বাস্থ্য আৰু কৃত্ৰিম বুদ্ধিমত্তাৰ বিষয়ক তথ্য প্ৰযুক্তি সন্দৰ্ভত মাৰ্কিন ৰাষ্ট্ৰপতিক পৰামৰ্শ দিব ৷
এয়া এগৰাকী অসমীয়াৰ বাবে এক ডাঙৰ সাফল্য হিচাবে বিবেচিত হৈছে৷ অসমবাসীৰ বাবে এয়া এক গৌৰৱৰ মুহূৰ্ত। তেওঁ যোৰহাট অভিযান্ত্ৰিক মহাবিদ্যালয়ৰ কম্পিউটাৰ বিজ্ঞান শাখাৰ প্ৰাক্তন ছাত্ৰ। সংগীততো আছে তেওঁৰ প্ৰচিৰ দক্ষতা৷ ইতিমধ্যে সাংগীতৰ জড়িয়তেও তেওঁ গীনিজ ৰেকৰ্ড গঢ়িবলৈ সক্ষম হৈছে৷
Continue Reading
