উৰণীয়া নীলা চৰাই গুচি টুইটাৰৰ লগ’ হ’ল কুকুৰৰ ছবি! টুইটাৰ পুনৰ ডাঙৰ পৰিৱৰ্তন সাধিলে এলন মাস্কে

টুইটাৰৰ লগ’  সলনি কৰাৰ খবৰে  বহুতৰে মনত দুখো দিছে৷ কাৰণ উৰি থকা নীলা চৰাইটো বিশ্বৰ সকলোৰে মাজত পৰিচিত আৰু জনপ্ৰিয় আছিল৷ মাইক্ৰ'ব্লগিং ছাইটটোৰ আইকনিক লগ’  এতিয়া নীলা চৰাইৰ ঠাইত এটা কুকুৰ হৈ পৰিছে। টুইটাৰৰ লগ’  সলনি হোৱাৰ লগে লগে ব্যৱহাৰকাৰীসকল আচৰিত হৈ পৰিছে আৰু  টুইটাৰত #DOGE ট্ৰেণ্ড কৰিবলৈ আৰম্ভ কৰিছে।

উল্লেখ্য বিশ্বৰ আটাইতকৈ ধনী ব্যক্তি এলন মাস্কে মাইক্ৰ'ব্লগিং ছাইট টুইটাৰ ক্ৰয় কৰাৰ পিছৰে পৰা ইয়াৰ নিয়ম-কানুন সলনি কৰাৰ লগতে কেইবাবাৰো নিজৰ নামো টুইটাৰত সলনি কৰিছে। যেতিয়া তেওঁ আনুষ্ঠানিকভাৱে টুইটাৰৰ দায়িত্ব লৈছিল তেতিয়া  তেওঁৰ টুইটাৰ  হেণ্ডেলটোৰ নাম এলন মাস্কৰ পৰা চীফ টুইটলৈ সলনি কৰা হৈছিল আৰু এতিয়া তেওঁ নমিষ্টাৰ টুইট হিচাবে নিজৰ নাম সলনি কৰিছে।  কিন্তু আমোদজনক কথাটো হ'ল এয়াই যে দ্বিতীয়বাৰ যে  টুইটাৰৰ প্ৰযুক্তিয়ে  তেওঁক পুনৰ তেওঁৰ নাম সলনি কৰিবলৈ অনুমতি দিয়া নাছিল। ব্লু টিকৰ ক্ষেত্ৰতো মাস্কে কঠোৰ নীতি গ্ৰহণ কৰিছে৷ নিউয়ৰ্ক টাইমছে টুইটাৰক  মাচুল পৰিশোধ কৰা নাছিল, ইলন মাস্কেও কোম্পানীৰ ব্লু টিকটো কাকত খনৰ টুইটাৰৰ পৰা আঁতৰাই পেলাইছে। ঘটনাটোকলৈ এতিয়া টুইটাৰ আৰু নিউয়ৰ্ক টাইমছৰ মাজত  আৰম্ভ   হৈছে বাক-বিতণ্ডা।

 টুইটাৰৰ পদক্ষেপৰ পিছতে নিউয়ৰ্ক টাইমছে টুইটাৰত লিখিছে, "এতিয়া কোম্পানীটোৰ কোনো ধৰণৰ প্ৰমাণীকৃত বেজ আৰু ব্লুটিক  নাই। এই দুয়োটা বস্তু টুইটাৰে কাঢ়ি লৈছে।’’ উল্লেখ্য টুইটাৰে এতিয়া ইয়াৰ ব্লু টিক চাবস্ক্ৰিপশ্বন নীতি কঠোৰভাৱে ৰূপায়ণ কৰা আৰম্ভ কৰিছে। মাচুল পৰিশোধ নকৰা   ব্যৱহাৰকাৰীৰ একাউণ্টৰ পৰা ব্লু টিক আঁতৰ কৰা হৈছে।  ইলন মাস্ক মালিকানাধীন এই কোম্পানীটোৱে 'দ্য নিউয়ৰ্ক টাইমছ'ৰ মুখ্য প্ৰ'ফাইলৰ পৰা প্ৰমাণিত ব্লু টিকটো আঁতৰাই দিয়াত বহুতে প্ৰতিক্ৰিয়াও ব্যক্ত কৰিছে।

নিউয়ৰ্ক টাইমছে কৈছে যে কাকত খনে  এটা প্ৰমাণীকৃত ব্যৱসায়িক একাউণ্টৰ বাবে কোনো ধন পৰিশোধ নকৰে। কাকত খনে  কেৱল সাংবাদিকসকলৰ বাবেহে ব্লু টিকৰ সদস্যতা ল'ব, যিসকলে তেওঁলোকৰ খবৰ সংগ্ৰহৰ প্ৰয়োজনীয়তাৰ বাবে সেয়া প্ৰয়োজনীয় বুলি ভাবে। ইপিনে কাকত খনৰ এনে স্থিতিৰ পিছতে মাস্কে কয় "নিউয়ৰ্ক টাইমছৰ কাকতৰ  ট্ৰেজেডীটো হ'ল যে তেওঁলোকে প্ৰচাৰ নিবিচাৰে" ।