ডিজিটেল ডেস্ক
অসমলৈ গৌৰৱ কঢ়িয়াই আনিছে ফাৰুন মেধিয়ে৷ নেব্ৰাস্কাক প্ৰতিনিধিত্ব কৰা ফাৰুন মেধিয়ে শনিবাৰে নেভাডাৰ ৰেনোৰ গ্ৰেণ্ড চিয়েৰা ৰিজৰ্ট আৰু কেচিনোত মিছ টিন ইউ এছ এ ২০২২ খিতাপ জয় কৰিবলৈ সক্ষম হয়৷
এই সন্মানজনক খিতাপ অৰ্জন কৰিবলৈ সক্ষম হোৱা ফাৰুন মেধিৰ হৈছে অসমীয়া মূলৰ৷ গৌতম মেধিৰ জীয়ৰী ফাৰুন মেধিয়ে গুৱাহাটীত জন্ম গ্ৰহণ কৰিছিল৷ ১৯৮৯ চনৰ পৰা তেওঁৰ পিতৃয়ে আমেৰিকাত স্থায়ী বাসিন্দা ৰূপে থাকিবলৈ লয়।ফাৰুন মেধি এগৰাকী ১৮ বছৰীয়া উচ্চ বিদ্যালয়ৰ স্নাতক আৰু মডেল, যি ওমাহাৰ বাসিন্দা।
এই প্ৰতিযোগীতাৰ পাঁচজন ফাইনেলিষ্টৰ ভিতৰত আন চাৰিজন আছিল- আইডাহোৰ জেনা বেকষ্ট্ৰম, প্ৰথম ৰানাৰ-আপ, কেলিফৰ্ণিয়াৰ কেচিডি হিল, দ্বিতীয় ৰানাৰ-আপ, মিচিগানৰ ইছাবেলা মছজিদা, তৃতীয় ৰানাৰ-আপ আৰু টেনেছৰ মেককিনলে ফাৰেচ চতুৰ্থ ৰানাৰ-আপ।
অনুষ্ঠানটোৱে কিছুমান বিশেষ পুৰস্কাৰও প্ৰদান কৰিছিল। ওহাইঅ'ৰ কাইলান ডাৰ্ণেলে ফেন ফেভাৰেট উপাধি লাভ কৰিবলৈ সক্ষম হৈছিল। আনহাতে নৰ্থ কেৰোলিনাৰ গেব্ৰিয়েলা অৰ্টেগা আৰু নেভাডাৰ জানে মেকিনটছে ক্ৰমে মিছ ফটোজেনিক আৰু মিছ কনজেনিয়ালিটি পুৰস্কাৰ লাভ কৰে৷
Continue Reading
