ডিজিটেল ডেস্ক: ২৩ ছেপ্টেম্বৰৰ পৰা আৰম্ভ হ’ব এছিয়ান গেমছ৷ এইবেলি এছিয়ান গেমছত ভাৰতীয় পতাকা লৈ শোভাযাত্ৰাত দেশক নেতৃত্ব দিব লাভলীনা বৰগোহাঁয়ে৷
ভাৰতীয় পতাকা থাকিব হৰমনপ্ৰীত সিঙৰ হাততো৷ অলিম্পিক পদকজয়ী লাভলীনা বৰগোহাঁইৰ বাবে বিশেষ সন্মান৷
আন্তঃৰাষ্ট্রীয় পৰ্যায়ত সফল খেলুৱৈকে এই দায়িত্ব দিয়া হয়৷
শেহতীয়াকৈ ভাৰতীয় অলিম্পিক সন্থাই গ্ৰহণ কৰে এই সিদ্ধান্ত৷ জেভলিন খেলুৱৈ নীৰজ চোপ্ৰাই এই সন্মান পাব বুলি ভবা হৈছিল৷
হাংজোত অনুষ্ঠিত হ’ব ২০২৩ বৰ্ষৰ এছিয়ান গেমছ৷ ভাৰতৰ অভিলেখসংখ্যক ক্ৰীড়াবিদে অংশগ্ৰহণ কৰিব এইবাৰ৷ ৬৫৫জন খেলুৱৈয়ে ভাৰতৰ হৈ খেলিব এছিয়ান গেমছত৷
