ডিজিটেল ডেস্ক: দেশজুৰি সঘনাই সলনি হৈছে বতৰ৷ আহিছে ইটোৰ পাছত সিটো পশ্চিমীয়া ধুমুহাৰ সতৰ্কবাণী। ভাৰতীয় বতৰ বিজ্ঞান বিভাগৰ আগজাননী অনুসৰি অহা তিনিদিনত মেঘালয়, নগালেণ্ড, মণিপুৰ, মিজোৰাম আৰু ত্ৰিপুৰাত বৃষ্টিপাতৰ সম্ভাৱনা আছে। আগন্তুক ৩দিনত অসমতো প্ৰৱল বৃষ্টিপাতৰ সম্ভাৱনা আছে।
ভাৰতৰ বতৰ বিজ্ঞান বিভাগে মঙলবাৰে আগজাননীযোগে প্ৰকাশ কৰিছে যে পশ্চিমীয়া ধুমুহাই উত্তৰ-পশ্চিম ভাৰতৰ বতৰত প্ৰভাৱ পেলাব।
১৩ আৰু ১৪ মাৰ্চত জন্মু-কাশ্মীৰ লাডাখ, হিমাচল প্ৰদেশ, উত্তৰাখণ্ডত বজ্ৰপাতৰ আশংকা কৰা হৈছে৷ ভাৰতৰ উত্তৰ-পশ্চিম প্ৰান্তৰ পশ্চিম ঘূৰ্ণীবতাহৰ প্ৰভাৱৰ বাবে আজি পঞ্জাব, হাৰিয়ানা, চণ্ডীগড়, উত্তৰ প্ৰদেশ আৰু ৰাজস্থানৰ কিছু অংশত পাতলীয়া বৰষুণ হোৱাৰ সম্ভাৱনা আছে৷
আনহাতে, ১৪ মাৰ্চলৈকে পশ্চিম বংগ আৰু ছিকিমত পাতলীয়া বৰষুণৰ আগজাননী প্ৰকাশ কৰিছে বতৰ বিজ্ঞান বিভাগে।
বতৰ বিজ্ঞান বিভাগে ১৪ মাৰ্চৰ পৰা ১৭ মাৰ্চলৈ ওড়িশাত পাতলীয়া বৰষুণৰ সম্ভাৱনা ব্যক্ত কৰিছে৷ একেদৰে, ১৬ আৰু ১৭ মাৰ্চত ঝাৰখণ্ড, মধ্যপ্ৰদেশ আৰু ছত্তীশগড়ৰ অঞ্চলবিশেষতো পাতলীয়া বৰষুণ হোৱাৰ সম্ভাৱনা আছে৷
Continue Reading
