ডিজিটেল ডেস্ক: অভিনেতা নৱাজুদ্দিন ছিদ্দিকী বৰ্তমান তেওঁৰ ব্যক্তিগত জীৱনত উত্তাল পৰিস্থিতিৰ বাবে চৰ্চাত আছে। এফালে পত্নী এলিয়াই তেওঁক ধৰ্ষণৰ অভিযোগ উত্থাপন কৰাৰ বিপৰীতে আনফালে তেওঁৰ ভাতৃৰ লগতো চলি আছে ঘৰুৱা বিবাদ। এতিয়া খবৰ ওলাইছে যে যেতিয়া নৱাজুদ্দিনে যোৱা নিশা ভাৰ্ছ’ভাৰ বাংলোত উপস্থিত হ’ল, তেতিয়া তেওঁৰ ভাতৃ ফৈজুদ্দিনে তেওঁক ঘৰত সোমাবলৈ নিদিলে। ইয়াৰ বাবেই তেওঁ মাকক লগ পোৱাৰ পৰাও বঞ্চিত হয়।
সংবাদ মাধ্যমৰ বাতৰি অনুসৰি নৱাজুদ্দিন ছিদ্দিকীৰ মাতৃ অসুস্থ হৈ আছিল। যেতিয়া অভিনেতাজনে মাকৰ বিষয়ে জানিব পাৰিছিল, তেতিয়া তেওঁ ভাৰ্চ’ভা বাংলোত লগ মাতৃক লগ কৰিবলৈ গৈছিল । উক্ত সময়ছোৱাত তেওঁৰ ভাতৃ আৰু কেয়াৰটেকাৰে মাতৃক লগ কৰাত বাধা দিছিল। তাৰ বাবে নৱাজে মাকক লগ নোপোৱাকৈ উভতি আহিল।
উল্লেখযোগ্য যে নৱাজুদ্দিন ছিদ্দিকীৰ ভাতৃ শ্বামছ নৱাব ছিদ্দিকীয়েও বহু অভিযোগ উত্থাপন কৰিছিল। তেওঁ কয় যে নৱাজ এনে এজন ব্যক্তি যিয়ে কেতিয়াও নিজৰ ভাতৃক কেৰিয়াৰ আগবঢ়াব নিদিলে। তেওঁ কৈছিল যে মই নিজেই বহুতো শ্ব’ পৰিচালনা কৰিছো। মোৰ ছবি বল চুড়িয়া আহিল য’ত মই তেওঁক চাব বিচৰা নাছিলো। লগতে তেওঁ অভিযোগ কৰে যে অভিনেতাজনে মাজতে ছবিখনত কাম কৰিবলৈ দিবলৈ অস্বীকাৰ কৰিছিল। তেওঁ আমাক দেখুৱাবলৈ প্ৰযোজকৰ পৰা টকা বিচাৰিছিল যেন তেওঁয়েই সকলো।
কিছুদিনৰ আগতে নৱাজুদ্দিন ছিদ্দিকীয়ে তেওঁৰ ৬ জন ভাতৃৰ মাজত নিজৰ পূৰ্বপুৰুষৰ মাটি বিতৰণ কৰিব বুলি খবৰ ওলাইছিল। কিন্তু তেওঁৰ সৰু ভাতৃ তথা পৰিচালক ভাতৃয়ে এই বাতৰিবোৰক নাটক বুলি অভিহিত কৰিছিল।
ইফালে ধৰ্ষণৰ অভিযোগো উত্থাপন কৰে নৱাজুদ্দিন ছিদ্দিকীৰ পত্নী আলিয়াই। ইয়াৰ পূৰ্বে আলিয়াই নৱাজৰ ওপৰত যৌতুকৰ গোচৰ জাৰি কৰিছিল, যিটো কেইদিনমানৰ আগতে আদালতে নাকচ কৰিছিল। ইয়াৰ পাছতে আলিয়াই স্বামীৰ ওপৰত ধৰ্ষণৰ গোচৰ তৰিছিল।
Continue Reading
