ডিজিটেল ডেস্কঃ অষ্ট্ৰেলিয়াৰ বিৰুদ্ধে দূৰ্দান্ত প্ৰদৰ্শন কৰিলে বিৰাট কোহলীয়ে৷ ৩৬৪ টা বলৰ মুখামুখি হৈ ১৮৬ ৰাণৰ বিৰাট ইনিংছ খেলিলে তাৰকাগৰাকীয়ে৷ সম্পূৰ্ণ কৰিলে টেষ্টত ২৮টাকৈ শতক৷
পত্নী অনুষ্কা শৰ্মাৰ প্ৰতি কোহলীৰ অগাধ ভালপোৱা আছে৷ সেয়ে শতকটো অৰ্জন কৰাৰ পাছতে তেওঁ অনুষ্কালৈ উচৰ্গা কৰিছে৷ তাৰপাছতে অনুষ্কাই প্ৰকাশ কৰিছে চাঞ্চল্যকৰ ভাষ্য৷
ইনষ্টাগ্ৰাম ষ্ট’ৰীজত অনুষ্কাই বিৰাটক অভিনন্দন জনাই লিখে যে তাৰকাগৰাকীয়ে শাৰিৰীক অসুস্থ অৱস্থাতে বেটিং কৰিছিল। কিন্তু সবিশেষ একো লিখা নাই৷ সেয়ে বিৰাটে কেনেধৰণৰ অসুস্থতাত ভুগি আছে সেই বিষয়ে জানিব পৰা হোৱা নাই৷ খেলপথাৰত খেলিবলৈ অহাৰ সময়ত বিৰাটে কাকো তেওঁৰ অসুস্থতাৰ কথা কোৱা নাছিল।
আহমেদাবাদৰ গৰমত বেটিং আৰু দৌৰাৰ পিছত তেওঁক ভাগৰুৱা আৰু অৱশ হোৱা দেখা গৈছিল৷ হয়তো অনুষ্কাই এই কথাই লিখিছে৷
উল্লেখ্য যে ২০১৯ চনৰ নৱেম্বৰ মাহত অষ্ট্ৰেলিয়াৰ বিৰুদ্ধে চতুৰ্থখন টেষ্টৰ চতুৰ্থ দিনত তেওঁ শেষবাৰৰ বাবে শতক অৰ্জন কৰিছিল। তাৰ প্ৰায় চাৰি বছৰৰ পাছত পুনৰ শতক অৰ্জন কৰিছে বিৰাটে৷
এইটো তেওঁৰ ২৮ সংখ্যক টেষ্ট শতক আৰু আন্তঃৰাষ্ট্ৰীয় ক্ৰিকেটত ৭৫ সংখ্যক শতক। ভাৰতত অষ্ট্ৰেলিয়াৰ বিৰুদ্ধে টেষ্টত কোহলীয়ে সৰ্বোত্তম স্ক’ৰো এইটো৷ কোহলীৰ এই বিৰাট ইনিংছটোত তেওঁ মুখামুখি হয় ৩৬৪টা বল৷ ১৫টা চাৰিটা কোবায়।
Continue Reading
