অতি মাত্ৰাত চেনি, ক্ষতিকাৰক ৰং, বহুতৰে পৰিচিত এইবিধ পুষ্টিকৰ পানীয়ক 'হেল্থ ড্ৰিংকছ' শ্ৰেণীৰ পৰা আঁতৰালে কেন্দ্ৰই

প্ৰশ্ন উত্থাপিত হয় কেন্দ্ৰই কিয় এনে পদক্ষেপ গ্ৰহণ কৰিলে ? বহু পূৰ্বেই  বৰ্ণভিটাত চেনিৰ স্তৰ সম্পৰ্কে কেইবাটাও অভিযোগ উঠিছিল । ইয়াৰ পিছতে  ৰাষ্ট্ৰীয় শিশু অধিকাৰ সুৰক্ষা আয়োগে  বিষয়টো তদন্ত কৰিছিল। অনুসন্ধানত পোৱা গৈছিল যে বৰ্ণভিটাত চেনিৰ স্তৰ  গ্ৰহণযোগ্য স্তৰৰ ওপৰত আছে । তাৰ পিছতে  কেন্দ্ৰই পানীয় বিধৰ বিৰুদ্ব্যধে ৱস্থা গ্ৰহণ কৰিলে। ৰাষ্ট্ৰীয় শিশু অধিকাৰ সুৰক্ষা আয়োগে (এনচিপিচিআৰ) চিআৰপিচি আইন, ২০০৫ৰ ধাৰা ১৪ -ৰ অধীনত তদন্ত চলাইছিল। অনুসন্ধানত পোৱা গৈছিল যে বৰ্ণভিটাত অত্যাধিক চেনি থাকে। ইয়াৰ পূৰ্বে, ভাৰতীয় খাদ্য সুৰক্ষা আৰু মানক প্ৰাধিকৰণক (এফএছএছএআই) ৰাষ্ট্ৰীয় শিশু অধিকাৰ সুৰক্ষা আয়োগে (এনচিপিচিআৰ) স্বাস্থ্যকৰ  পানীয়ৰ নিয়ম উলংঘা কৰা কোম্পানীবোৰৰ বিৰুদ্ধে ব্যৱস্থা ল'বলৈ কৈছিল। নিয়ন্ত্ৰক সংস্থাৰ মতে, দেশৰ খাদ্য আইনত 'স্বাস্থ্যকৰ পানীয়'ৰ সংজ্ঞা দিয়া হোৱা নাই। ইফালে, এজন ইউটিউবাৰে প্ৰথমে বৰ্ণভিটাত শৰ্কৰাৰ স্তৰ সম্পৰ্কে উদ্বেগ প্ৰকাশ কৰিছিল। তেওঁ দাবী কৰিছিল  যে স্বাস্থ্যকৰ পানীয়ৰ অধীনত থকা এই বৰ্ণভিটাত অত্যধিক চেনী আছে। লগতে এইবুলিও  অভিযোগ কৰা হৈছিল যে এই পানীয়ত অতিৰিক্ত কোকো, ক্ষতিকাৰক ৰং থাকে।মন কৰিব যে  কেৱল বৰ্ণভিটাই  নহয়,  কেন্দ্ৰই আন  বহুতো পানীয়ক আৰু স্বাস্থ্যকৰ পানীয় হিচাপে শ্ৰেণীবদ্ধ কৰিব নোৱাৰি বুলি কৈছে। তেওঁলোকে এই সন্দৰ্ভত এক বিবৃতি জাৰি কৰিছে আৰু ই-কমাৰ্চ কোম্পানীসমূহক বিষয়টো অৱগত কৰিছে। এই বিবৃতিটো বাণিজ্য আৰু উদ্যোগ মন্ত্ৰালয়ে জাৰি কৰিছে।