ডিজিটেল ডেস্কঃ মন্দিৰলৈ গৈ ভক্তিভাবেৰে বহুতে বহু ধৰণৰ আচাৰ- আচৰণ কৰে। কিন্তু সকলো ক্ষেত্ৰতে অতি বছি হোৱাটো বেয়া। অতি ভক্তি কৰিববলৈ গৈ এজন লোক মন্দিৰৰ এটা শিলৰ হাতীৰ মাজত আবদ্ধ হৈ পৰাৰ ঘটনাই বেছ আলোড়ণৰ সৃষ্টি কৰিছে।
গুজৰাটৰ এটা মন্দিৰত প্ৰাৰ্থনা কৰিবলৈ গৈছিল এজন লোকে। মন্দিৰৰ বাহিৰত থকা হাতীৰ শিলৰ মূৰ্তিৰ মাজেৰে পাৰ হৈ লোকজনে ভক্তি কৰিবলৈ গৈছিল। বহুতে ধৰাণা কৰে যে মন্দিৰৰ শিলৰ হাতীটোৰ মাজৰে পাৰ হৈ গ’লে মনৰ আকাংক্ষা পূৰণ হয় ।
সেয়ে লোক জনেও গজৰাজৰ মূৰ্তিৰ ভৰিৰ তলেৰে পাৰ হৈ যাবলৈ চেষ্টা কৰিছিল। কিন্তু হঠাতে লোক জন মূৰ্তিটোৰ মাজত আবদ্ধ হৈ পৰে।তেওঁ হাত , ভৰি জোকাৰি বাহিৰলৈ ওলাই আহিবলৈ চেষ্টা কৰাৰ পিছতো সফল হ’ব পৰা নাই।
এই ঘটনাটোৰ ভিডিঅ' সামাজিক মাধ্যমত ভাইৰেল হৈ পৰিছে। ভিডিঅ'টো চাই বহুতে মিশ্ৰিত প্ৰতিক্ৰিয়া ব্যক্ত কৰিছে। বহুতে কয় যে এয়া অতি ভক্তিৰ ফল। লোকজনে পিছত কেনেকৈ হাতীৰ ভৰিৰ ফাঁকৰ পৰা ওলাই আহিবলৈ সক্ষম হ’ল সেয়া এতিয়াও জানিব পৰা হোৱা নাই।
Continue Reading
