ডিজিটেল ডেস্কঃ বাবৰ আজমে বিশ্ব ক্ৰিকেটত এক নতুন নজিৰ গঢ়ি তুলিলে। সেই দেশৰ প্ৰাক্তন অধিনায়কগৰাকীয়ে পাকিস্তান ছুপাৰ লীগৰ খেলখনত বিশ্ব অভিলেখ গঢ়িছিল। বুধবাৰে পেছাৱৰ জালমি আৰু কৰাচী কিংছৰ খেলখনত বাবৰে ৫১টা বলত ৭২ ৰানৰ ইনিংছ খেলিছিল। এই ইনিংছৰ বাবেই তেওঁ এক নজিৰ গঢ়ি তুলিছে।
পেছাৱৰৰ বাবে অ’পেন কৰিবলৈ নামি আহিল কেপ্তেইন বাবৰে। তেওঁৰ দলটোৱে ৪০ ৰানত ৩টা উইকেট হেৰুৱালেও বাবৰে নিজৰ গ’লত অটল আছিল। পূৰ্বৰ দলৰ বিৰুদ্ধে ৭২ ৰানৰ ইনিংছত ৭ চাৰি আৰু ১ ছয় আঘাত কৰে। আজিৰ দিনটোতে তেওঁ টি-২০ ক্ৰিকেটত ১০ হাজাৰ ৰানৰ মাইলৰ খুঁটি স্পৰ্শ কৰে।
বিশ্বৰ ত্ৰয়োদশ ক্ৰিকেটাৰ হিচাপে তেওঁ এই কৃতিত্ব অৰ্জন কৰিছিল। ২৭১ নং ইনিংছত ১০ হাজাৰ ৰান সম্পূৰ্ণ কৰি তেওঁ এক নতুন বিশ্ব অভিলেখ গঢ়িবলৈ সক্ষম হয়। ক্ৰীছ গেইলৰ অভিলেখ ভংগ কৰিলে। ৱেষ্ট ইণ্ডিজৰ প্ৰাক্তন বেটছমেনগৰাকীয়ে টি-২০ ক্ৰিকেটত ১০ হাজাৰ ৰান সম্পূৰ্ণ কৰিবলৈ ২৮৫ ইনিংছ লৈছিল। এতিয়ালৈকে তেওঁ ক্ৰিকেটত ২০ অভাৰত ১০০০ ৰান সংগ্ৰহ কৰা বিশ্বৰ সৰ্বাধিক দ্ৰুত বেটছমেন আছিল। সেই অভিলেখ বাবৰে অতিক্ৰমিলে।
এই তালিকাৰ তৃতীয় স্থানলৈ অৱনমিত হৈছে বিৰাট কোহলি। টি-২০ ক্ৰিকেটৰ ২৯৯ ইনিংছত ১০ হাজাৰ ৰান সম্পূৰ্ণ কৰে। তেওঁৰ পিছত দুজন অষ্ট্ৰেলিয়ান। ডেভিড ৱাৰ্নাৰ (৩০৩ ইনিংছ) আৰু এৰন ফিঞ্চ (৩২৭) ইনিংছ।
বাবৰে ২০১৭ চনৰ পৰা ২০২২ চনলৈ পাকিস্তান ছুপাৰ লীগত কৰাচীৰ হৈ খেলিছিল। ২০২১ আৰু ২০২২ চনত তেওঁ অধিনায়ক হিচাপে কাৰ্যনিৰ্বাহ কৰিছিল। সেই অৰ্থত পাকিস্তানৰ প্ৰাক্তন অধিনায়কগৰাকীয়ে নিজৰ পূৰ্বৰ ফ্ৰেঞ্চাইজিৰ বিপৰীতে বিশ্ব অভিলেখ গঢ়িছিল।
Continue Reading
