ডিজিটেল ডেস্কঃ কি কি আচহুৱা চখ নাই ধনাঢ্য ব্যক্তিসকলৰ৷আনতকৈ পৃথক উপহাৰ দিয়াটোও প্ৰায় ধনী ব্যক্তিসকলৰ ৰুচিবোধৰ অন্তৰ্গত৷শেহতীয়াকৈ প্ৰথম সন্তান জন্মৰ কেইদিনমান পাছতে আৰ আৰ আৰৰ অভিনেতা ৰাম চৰণ আৰু তেওঁৰ পত্নীক সোণৰ দোলনা উপহাৰ দিলে দেশৰ অন্যতম ধনী ব্যক্তি মুকেশ আম্বানীয়ে। অভিনেতা ৰাম চৰণ আৰু তেওঁৰ পত্নী উপাসনা ক’নিডেলাই শুকুৰবাৰে শিশুটিৰ নাম ক্লিন কাৰা ক’নিডেলা ৰাখিছে।
শিশুটিৰ নামকৰণ অনুষ্ঠানৰ কিছু পাৰিবাৰিক ছবিও সামাজিক মাধ্যমত শ্বেয়াৰ কৰে ‘আৰ আৰ আৰ’ৰ অভিনেতাগৰাকীয়ে। সংবাদ মাধ্যমত প্ৰকাশিত বাতৰি অনুসৰি কোটিপতি মুকেশ আম্বানীয়ে পৰিয়ালৰ সৈতে এক কোটি টকা ব্যয় সাপেক্ষে কণমানি শিশুটিক সোণৰ দোলনা উপহাৰ দিছে। অৱশ্যে পৰিয়াল বা আন কোনো লোকৰ দ্বাৰা তথ্যৰ নিশ্চিতি প্ৰদান কৰা হোৱা নাই।
তাৎপৰ্যপূৰ্ণভাৱে মুকেশ আম্বানী বিশ্বৰ ১৪ সংখ্যক ধনী ব্যক্তি আৰু এছিয়াৰ প্ৰথম ধনী ব্যক্তি, ফৰ্বছ আলোচনীৰ তথ্য অনুসৰি তেওঁৰ সম্পত্তিৰ পৰিমাণ ৯১.৩ বিলিয়ন ডলাৰ।
উল্লেখ্য যে অভিনেতা ৰাম চৰণে সামাজিক মাধ্যমত দিয়া তেওঁৰ পোষ্টত লিখিছে যে চেঞ্চু জনজাতীয় দেৱী - ভৱৰম্মা দেৱীৰ আশীৰ্বাদত আমি আমাৰ মৰমলগা কন্যাক সকলোৰে আগত চিনাকি কৰাই দিওঁ। ক্লিন কাৰা কনিডেলাৰ পৰা উদ্ভৱ হোৱা ললিতা সহস্ৰনামৰ পৰা লোৱা নামটোৱে এক পৰিৱৰ্তনশীল শুদ্ধিকৰণ শক্তিৰ প্ৰতীক, যিয়ে আধ্যাত্মিক জাগৰণ আনে।
Continue Reading
