ডিজিটেল ডেস্কঃ এইবাৰ আমেৰিকা যুক্তৰাষ্ট্ৰৰ এগৰাকী জনপ্ৰিয় গায়কৰ স’তে দেখা গ’ল উৰ্বশী ৰাউটেলাক। উৰ্বশীৰ পিন্ধনত আছিল মেটালিক কৰ্চেট টপ, জিলিকি থকা ক’লা পেণ্ট। পেটৰ দুয়োফালে কোনো আৱৰণ নাই। আমেৰিকাৰ গায়ক জেছন ডেৰুলোৰ সৈতে উৰ্বশীক তেনেকৈ হাঁহি থকা দেখা গ’ল। তাৰপাছতে তীব্ৰ চৰ্চা চলিছে অনুৰাগীসকলৰ মাজত।
শেহতীয়াকৈ জেছন কৰ্মসূত্ৰে মুম্বাইলৈ আহিছিল।এই ভ্ৰমণৰ সময়ত তেওঁ দিশ পাটানীকে ধৰি কেইবাগৰাকীও ভাৰতীয় তাৰকাক লগ কৰিছিল। তাৰ ভিতৰত অভিনেত্ৰী উৰ্বশী ৰাউটেলাও আছিল। বান্দ্ৰাত একেলগে দেখা গ’ল গায়কগৰাকী আৰু অভিনেত্ৰীগৰাকীক। ইতিমধ্যে তেওঁলোকৰ ছবি আৰু ভিডিঅ’ ভাইৰেল হৈ পৰিছে।
ভিডিঅ’টোত তেওঁলোকে গাড়ীৰ পৰা নামি কাষে কাষে পোজ দিয়া দেখা গৈছে। তেওঁলোকৰ মাজত ধেমেলীয়া কথা-বতৰাও চলি থাকে। গন্তব্য স্থান পোৱাৰ পিছত তেওঁলোকে প্ৰৱেশ কৰাৰ আগতে পুনৰ কেমেৰাৰ সন্মুখত পোজ দিলে। উৰ্বশীৰ কাণত হীৰা কাণফুলি জিলিকি উঠিছিল। মূল্যবান ব্ৰেচলেটবোৰে হাতৰ কব্জি আৰু আঙুলিৰ আঙঠিবোৰ শোভা বঢ়াইছিল।
আনহাতে জেচনে পিন্ধিছিল ক’লা চুৱেটাৰ আৰু ৰিপড জিন্স। জানিব পৰা মতে, ইতিমধ্যে দুয়ো একেলগে কাম কৰিছে। অতি সোনকালে আহি আছে 'জানু' নামৰ গীতটিৰ ভিডিঅ'। উৰ্বশীয়ে সেই কামৰ বিষয়ে ছ’চিয়েল মিডিয়াতো পোষ্ট কৰিছিল। জেচনে নিজেই ‘জানু’ক লৈ নিজৰ উত্তেজনা প্ৰকাশ কৰিছিল। তেওঁ কয় যে তেওঁ উৰ্বশীৰ সৈতে কাম কৰি ভাল পাইছে। তেওঁ উৰ্বশীৰ সৈতে অধিক কাম কৰাৰ ইচ্ছা প্ৰকাশ কৰে।
ইয়াৰ পূৰ্বে ভাৰতীয় ক্ৰিকেটাৰ ঋষভ পন্তৰ সৈতে জড়িত আছিল অভিনেত্ৰীগৰাকী। উৰ্বশীয়েও ৰহস্যজনক পোষ্ট দি জল্পনা-কল্পনাক জীয়াই ৰাখিছিল। কিন্তু শেহতীয়াকৈ সেই অধ্যায়টো ঢাকি ৰখা হৈছে। নতুন কাৰোবাৰ লগত তেওঁ সম্পৰ্কত জড়িত হ’ব বিচাৰে নেকি?
Continue Reading
