ডিজিটেল ডেস্কঃ ভাৰতীয় বায়ুসেনা বাহিনীৰ বাবে আজিৰ দিনটো যেন এক অভিশপ্ত দিন। বাহিনীটোত আজি দুৰ্যোগৰ পিছত দুৰ্যোগে দেখা দিয়ে। ৰাজস্থানত ভাৰতীয় বায়ু সেনাৰ এখন বিমান দুৰ্ঘটনাগ্ৰস্ত হোৱাৰ লগতে মধ্য প্ৰদেশতো বাহিনীটোৰ দুখন যুঁজাৰু বিমান দুৰ্ঘটনাগ্ৰস্ত হয়।
ৰাজস্থানৰ ভৰতপুৰত ভাৰতীয় বায়ু সেনাৰ এখন বিমান দুৰ্ঘটনাগ্ৰস্ত হোৱাৰ খবৰ অহাৰ সময়তে মধ্য প্ৰদেশতো একে ধৰণৰ দুৰ্ঘটনা সংঘটিত হোৱাৰ বাতৰি আহিছে। মধ্য প্ৰদেশত বায়ু সেনাৰ দুখন যুঁজাৰু বিমান ক্ৰমে সুখয় ৩০ আৰু মিৰাজ ২০০০ দুৰ্ঘটনাত পতিত হয়। প্ৰধানমন্ত্ৰীয়ে শনিবাৰে ৰাজস্থান ভ্ৰমণ কৰাৰ কথা আছে।এনে সময়তে ভাৰতীয় বায়ু সেনাৰ এখন বিমান ৰাজ্য খনত দুৰ্ঘটনাগ্ৰস্ত হয়। ৰাজস্থানৰ ভৰতপুৰত ভাৰতীয় বায়ু সেনাৰ বিমানখন ভাগি পৰে।
জানিব পৰা মতে শনিবাৰে পুৱা ভৰতপুৰৰ নাগলা দিদা অঞ্চলত এখন চাৰ্টাৰ্ড বিমান দুৰ্ঘটনাগ্ৰস্ত হয় । স্থানীয় প্ৰশাসনৰ দ্বাৰা উদ্ধাৰ অভিযান আৰম্ভ কৰা হৈছে। দুৰ্ঘটনাটো যান্ত্ৰিক ত্ৰুটিৰ বাবে হোৱা বুলি ধাৰণা কৰা হৈছে।
স্থানীয় সূত্ৰ মতে , দুৰ্ঘটনাস্থলীত পাইলটজনক বিচাৰি পোৱা যোৱা হোৱা নাই। তেওঁৰ সন্ধান উলিয়াবলৈ অভিযান চলি আছে।
Continue Reading
