ডিজিটেল ডেস্কঃ মধ্যপ্ৰদেশৰ আৰক্ষীয়ে এজন অভিযুক্ত সাধুক গ্ৰেপ্তাৰ কৰিবলৈ ভক্তৰ বেশ ধাৰণা কৰিবলগীয়া হ’ল৷ মথুৰাত সাধাৰণ পোছাকত ভক্ত গৈ অৱশেষত আৰক্ষীয়ে শাদুজনক গ্ৰেপ্তাৰ কৰিবলৈ সক্ষমো হ’ল৷প্ৰকৃততে কি ঘটিছিল? ৰাম শৰণ নামৰ এজন সাধুৰ বিৰুদ্ধে মধ্য প্ৰদেশৰ মোৰেনাত ভূমি কেলেংকাৰীৰ অভিযোগ উত্থাপিত হৈছিল।
তেওঁ গ্ৰেপ্তাৰৰ পৰা বাচিবলৈ উত্তৰ প্ৰদেশলৈ পলাই গৈছিল। কিন্তু শেষ মুহূৰ্তত তেওঁৰ ৰক্ষা নহ’ল। আৰক্ষীয়ে তেওঁক মথুৰাৰ ৰামজাঙ্কি মন্দিৰৰ আশ্ৰমৰ পৰা গ্ৰেপ্তাৰ কৰে। অভিযুক্ত সাধু জনে মুঠেও ধৰিব পৰা নাছিল যে আৰক্ষীয়ে তেওঁক অনুৰাগীৰ বেশত আগুৰি ধৰিছে৷
এগৰাকী তদন্তকাৰী আৰক্ষী বিষয়াই কয় যে অভিযুক্ত ৰাম শৰণৰ বিৰুদ্ধে ভুৱা ন্যাস গঠন কৰাৰ অভিযোগ উত্থাপিত হৈছিল। সেই ন্যাসৰ জৰিয়তে তেওঁ ৬ একৰ মাটি নিজৰ কৰি লোৱাৰ চেষ্টা কৰিছিল৷ তদন্তৰ সময়ত আৰক্ষীয়ে তিনিজন লোকক গ্ৰেপ্তাৰ কৰিব পাৰিছিল যদিও মূল অভিযুক্ত সাধু জন পলাতক হৈ আছিল।
অৱশেষত, আৰক্ষীয়ে তেওঁক গ্ৰেপ্তাৰ কৰিবলৈ এক বিশেষ পৰিকল্পনা প্ৰস্তুত কৰে। তেওঁলোকে ফুল আৰু মিঠাই লৈ আশ্ৰমত উপস্থিত হয় । কিছুসংখ্যক আৰক্ষীকো বাহিৰত নিয়োজিত কৰা হৈছিল। ভক্ৰ বেশত যোৱা আৰক্ষীক চিনিব নোৱাৰি অভিযুক্ত সাধু জনে পলাবলৈ চেষ্টা কৰা নাছিল৷ শেষত আৰক্ষীয়ে মালা-মিঠাইৰ মাজত লুকুৱাই নিয়া পিষ্টল টোৱাই তেওঁক গ্ৰেপ্তাৰ কৰে৷
Continue Reading
