ডিজিটেল ডেস্কঃ কেৰালাত সংঘটিত হোৱা নৰবলি কাণ্ডই তোলপাৰ লগাই থকা অৱস্থাতে আৰক্ষীয়ে আন এক বিস্ফোৰক তথ্য লাভ কৰিছে৷ আৰক্ষীয়ে প্ৰকাশ কৰা মতে, কেৱল নৰবলিয়েই নহয়, অভিযুক্তই নৰমাংস ভোজনো কৰিছিল! তদুপৰি বিকৃত যৌনাকাংক্ষাও পূৰণ কৰিছিল৷
উল্লেখযোগ্য যে মঙলবাৰে নৰবলিৰ সন্দেহত তিনিগৰাকী লোকক আৰক্ষীয়ে আটক কৰিছিল৷ তেওঁলোকে কেৰালাৰ এৰনামকুলামৰ পৰা ৰজলীন (৪৯) আৰু পাদ্মাম (৫২) নামৰ কোচি নিবাসী দুগৰাকীকৈ মহিলাক অপহৰণ কৰি নি ধন-জন লাভৰ বাবে বলি দিছিল৷ বলি দিয়াৰ পাছত মহিলা দুগৰাকীৰ মৃতদেহ মাটিত পুতি থোৱাৰ অৱস্থাত আৰক্ষীয়ে ইয়াক উদ্ধাৰ কৰিছিল৷
আৰক্ষীয়ে প্ৰকাশ কৰা মতে, মুহাম্মদ ছাফী ওৰফে ৰছিদ নামৰ এজন ৰেষ্টুৰা ব্যৱসায়ী এই কাণ্ডৰ মূল ষড়যন্ত্ৰকাৰী৷ ৰছিদে নিজৰ বিকৃত যৌনাকাংক্ষা পূৰণৰ বাবে এই কাম কৰিছিল৷
ৰছিদৰ স’তে ভগৱাল সিং আৰু সিঙৰ পত্নী লাইলাকো মঙলবাৰে আৰক্ষীয়ে গ্ৰেপ্তাৰ কৰিছিল৷ বুধবাৰে তেওঁলোকক কোচিৰ মেজিষ্ট্ৰেট কোৰ্টত হাজিৰ কৰা হয়৷ কোৰ্টে অভিযুক্তকেইজনক ২৬ অক্টোবৰলৈকে ন্যায়িক জিম্মালৈ প্ৰেৰণ কৰিছে৷
আৰক্ষীয়ে প্ৰকাশ কৰা মতে, নৰবলি কাণ্ডত প্ৰাণ হেৰুওৱা ৰছলী নামৰ মহিলাগৰাকীৰ মৃতদেহত ৰছিদে বিকৃত যৌনাকাংক্ষা পূৰণ কৰিছিল৷ আনকি ৰছলীৰ মৃতদেহৰ পৰা গোপন অংগ কাটি তেওঁ ভক্ষণো কৰিছিল বুলি আন দুগৰাকী অভিযুক্ত সিং আৰু লাইলাই স্বীকাৰোক্তি প্ৰদান কৰিছে৷ অৱশ্যে আৰক্ষীৰ ওচৰত এই বিষয়ে বিতং তথ্য নাই৷
আৰক্ষীয়ে প্ৰকাশ কৰা মতে, ৰছিদে ইয়াৰ পূৰ্বৰে পৰা ক’লা যাদুৰ সাধনা কৰি আহিছে৷ অনেক লোকে তেওঁৰ এই ক’লা যাদুৰ বলি হৈ আহিছে৷ তদুপৰি ২০২০ চনত এগৰাকী ৭৫ বছৰ বয়সীয়া বৃদ্ধাক ধৰ্ষণ কৰাৰ অভিযোগত ৰছিদক গ্ৰেপ্তাৰো কৰা হৈছিল৷
Continue Reading
