ডিজিটেল ডেস্কঃ ভাৰতে বিশ্ব চেম্পিয়ন জাৰ্মানীক ৩-২ গ'লত পৰাস্ত কৰি হকী প্ৰ' লীগত বিজয়ৰ অভিযান আৰম্ভ কৰিলে। সুখজিৎ সিঙে শুক্ৰবাৰে ৰাউৰকেলাত দুটাকৈ গ'ল কৰিবলৈ সক্ষম হয়। এই বছৰৰ আৰম্ভণিতে ভাৰতীয় দলটোৱে দেশৰ মাটিত বিশ্বকাপ হকীত হতাশাজনক ফলাফল লাভ কৰিছিল। ৰাউৰকেল্লাৰ ষ্টেডিয়ামত হৰমনপ্ৰীত সিং নেতৃত্বাধীন ভাৰতীয় দলটোৱে দক্ষিণ আফ্ৰিকাক ৫-২ গ'লত পৰাস্ত কৰি নৱম স্থানতহে থাকিবলৈ সক্ষম হৈছিল।
জাৰ্মানীয়ে ফাইনেলত বেলজিয়ামক টাইব্ৰেকাৰত পৰাস্ত কৰি বিশ্বৰ শ্ৰেষ্ঠ দল হৈ পৰিছিল।শুক্ৰবাৰৰ প্ৰো লীগত খেলৰ পূৰ্বে বিশেষজ্ঞসকলে বিশ্ব চেম্পিয়ন জাৰ্মানীৰ আশাই বেছি দেখিছিল। কিন্তু খেলখনৰ আৰম্ভণিৰে পৰাই ভাৰতে আধিপত্য বিস্তাৰ কৰে।
প্ৰথম কোৱাৰ্টাৰটো গোলবিহীনভাৱে সমাপ্ত হৈছিল। দ্বিতীয় কোৱাৰ্টাৰৰ শেষ মুহূৰ্তত (৩০ মিনিট) অধিনায়ক হৰমনপ্ৰীতে পেনাল্টি কৰ্ণাৰৰ পৰা গ'ল কৰি ভাৰতক আগুৱাই নিয়ে।
তৃতীয় কোৱাৰ্টাৰৰ আৰম্ভণিতে (৩১ মিনিট) সুখজিতে দলৰ ভাৰসাম্য ২-০ কৰিবলৈ সক্ষম হয়। তেওঁ ৪২ মিনিটত পুনৰ গ'ল কৰে । কফমান ফিলিপে কেইমিনিটমানৰ ভিতৰতে গ’লৰ ব্যৱধান হ্ৰাস কৰিবলৈ সক্ষম হয়। ষ্ট্ৰাফ মিচেলে ২-৩ গ'ল কৰিও নিজৰ দলটোক জয়ী কৰোৱাব নোৱাৰিলে।
Continue Reading
