ডিজিটেল ডেস্কঃ আপ শাসিত দিল্লীত একাংশ বিজেপি নেতাই বহুতকে ধন দাবী কৰি অহাৰ অভিযোগ উঠি আহিছে। এনে অভিযোগৰ মাজতে দিল্লীত দুজন বিজেপি নেতাৰ বিৰুদ্ধে ৰুজু হৈছে ধন দাবী কৰাৰ গোচৰ। গোচৰ ৰুজু হোৱা বিজেপি নেতা দুগৰাকী হৈছে ক্ৰমে চিয়াৰাম সিংহলী আৰু ধীৰাজ প্ৰধান। তেওঁলোক দুয়োজনৰ বিৰুদ্ধে এজন ব্যৱসায়ীয়ে ১৫ লাখ টকা দাবী কৰাৰ অভিযোগত ধন দাবীৰ গোচৰ ৰুজু কৰিছে।
এজাহাৰখন ২৯ মাৰ্চত দ্বাৰকা জিলাৰ ডাবৰি আৰক্ষী থানাত দাখিল কৰা হৈছিল। প্ৰধান বিজেপিৰ মেহৰৌলি জিলাৰ উপ-সভাপতি বুলি জানিব পৰা গৈছে। আনহাতে সিংহলী এজন স্থানীয় বিজেপি নেতা বুলি এটা সূত্ৰই প্ৰকাশ কৰিছে।
ইষ্ট কিডৱাই নগৰৰ বাসিন্দা চমন প্ৰকাশ ছাক্সেনাই অভিযোগ কৰিছে যে অভিযুক্ত বিজেপি নেতা দুজনে তেওঁক ১৫ লাখ টকা দাবী কৰিছিল।
ব্যৱসায়ী ছাক্সেনাই কয় "মই আইনগতভাৱে উত্তম নগৰৰ ৰাজা পুৰীত এটা ঘৰ নিৰ্মাণ কৰি আছো। কিন্তু চিয়াৰাম সিংহই মোৰ বিৰুদ্ধে এটা গোচৰ ৰুজু কৰিছিল। যেতিয়া মই সমস্যাটো সমাধান কৰিবলৈ চেষ্টা কৰিছিলো, সিংহই মোক ধীৰাজ প্ৰধানৰ কাৰ্যালয়লৈ আহিবলৈ কৈছিল, য'ত তেওঁলোকে বিষয়টো আদালতৰ বাহিৰত নিষ্পত্তি কৰিবলৈ মোৰ পৰা ১৫ লাখ টকা দাবী কৰিছিল।’’
ছাক্সেনাই লগতে কয় যে ৬ মাৰ্চত দ্বাৰকাৰ এগৰাকী ন্যায়াধীশে স্থগিতাদেশ খাৰিজ কৰিতেওঁক ঘৰ নিৰ্মাণৰ কৰিবলৈ নিৰ্দেশ দিছিল।
তেওঁ কয় "মই তেওঁলোকৰ সম্পত্তিৰ ক্ষতি কৰা নাছিলো। মই মাত্ৰ বিষয়টো সমাধান কৰিব বিচাৰিছিলো। মই বিজেপি নেতা জনক তেওঁৰ সম্পত্তি ক'ত ক্ষতিগ্ৰস্ত হৈছে দেখুৱাবলৈ কৈছিলো যাতে মই সেয়া মেৰামতি কৰিব পাৰো, কিন্তু তেওঁ মোক ভাবুকি দিছিল,"
তেওঁ লগতে কয় যে ১১ মাৰ্চত যেতিয়া তেওঁ ঘৰৰ নিৰ্মাণ কাৰ্য পুনৰ আৰম্ভ কৰিছিল, তেতিয়া তেওঁক পুনৰ ১৫ লাখ টকা পৰিশোধ কৰিবলৈ , অন্যথা ভয়ানক পৰিণামৰ সন্মুখীন হ'বলৈ ভাবুকি দিয়া হৈছিল।
আৰক্ষীয়ে এতিয়ালৈকে নেতা দুজনক গ্ৰেপ্তাৰ কৰা নাই।
Continue Reading
