ডিজিটেল ডেস্কঃ খালিস্তানী সন্ত্ৰাসবাদীৰ বিভীষিকাই যেন খেদি ফুৰিছে হিন্দুত্ববাদী সংগঠনৰ একাংশ নেতাক৷ শেহতীয়াকৈ ছ’চিয়েল মিডিয়াত ভাইৰেল হৈ পৰিছে এটা বিশেষ ভিডিঅ’৷ কংগ্ৰেছৰ সভাপতি মল্লিকাৰ্জুন খাৰ্গেকে ধৰি আন বহুতে ভিডিঅ’টো এক্সত আপলোড কৰি কেৱল পাগুৰী পিন্ধাৰ বাবেই শীৰ্ষ আৰক্ষী বিষয়াগৰাকীক খালিস্তানী আখ্যা দিয়াৰ বাবে সমালোচনা কৰিছে৷
ভিডিঅ’টোৰ সত্য-সত্যতা অৱশে্য প্ৰাগ নিউজ ডিজিটেলে পৰীক্ষা কৰি চোৱা নাই৷ খাৰ্গেৰ টুইট অনুসৰি ভিডিঅ’টোত আইপিএছ বিষয়া জছপ্ৰীত সিঙে একাংশ হিন্দুত্ববাদী সংগঠনৰ কৰ্মীৰ সৈতে কথা পাতি থকা দেখা গৈছে৷ কোনোবাই পাগুৰী মৰাৰ বাবেই শিখ বিষয়া জনক খালিস্তানী বুলি কৈছে৷
তাতেই খং উঠিছে বিষয়াগৰাকীৰ৷ তেওঁ তেওঁক অপবাদ দিয়াসকলক উভতি ধৰা দেখিবলৈ পোৱা গৈছে৷ তেওঁ কৈছে " মই পাগুৰি পিন্ধি আছো,সেয়ে আপোনালোকে মোক খালিস্তানী বুলি কৈছে৷" ভিডিঅ’টো সন্দৰ্ভত মল্লিকাৰ্জুন খাৰ্গেই এক্সত লিখিছে- মোডীজী, আপোনাৰ একমাত্ৰ লক্ষ্য হৈছে ধৰ্ম আৰু সম্প্ৰদায়ৰ মাজত শত্ৰুতা, ঘৃণা আৰু হিংসা বিয়পোৱা। আপোনাৰ শাসন হৈছে বিভাজনমূলক ৰাজনীতি "অমৃত কাল"!
Continue Reading
