ডিজিটেল ডেস্কঃ ভূমিস্খলনে সংহাৰী ৰূপ ধাৰণা কৰিছে উত্তৰাখণ্ডত। ভূমিস্খলনৰ বাবে পাহাৰীয়া ৰাজ্য খনত কেইবাটাও পথ বন্ধ কৰি দিয়া হৈছে। বহু পথৰ ওপৰত শিলৰ স্তূপ জমা হোৱাৰ বাবে যান-বাহন চলাচল ব্যাহত হৈ পৰিছে। শেহতীয়াকৈ পাহাৰ পৰা হঠাতে নামি অহা মাটি-শিৱে পুতি পেলাইছে তীৰ্থযাত্ৰীৰ এখন বাহন।
ফলস্বৰূপে, কমেও পাঁচজন তীৰ্থযাত্ৰীৰ মৃত্যু হৈছে।আৰক্ষীয়ে প্ৰকাশ কৰা মতে উত্তৰাখণ্ডৰ ৰুদ্ৰপ্ৰয়াগ জিলাৰ তৰচালী অঞ্চলত ভূমিস্খলনৰ ফলত পথটোত শিলৰ স্তূপ জমা হৈছিল। সেই সময়ত তীৰ্থযাত্ৰীৰ এখন গাড়ীয়ে কেদাৰনাথলৈ যাবলৈ চেষ্টা কৰি আছিল। ধাৰাসাৰ বৰষুণৰ ফলত তৰচালী অঞ্চলত পথটো খহি পৰে আৰু পাহাৰৰ পৰা মাটি নামি আহে ।ফলত ঘাইপথৰ প্ৰায় ৬০ মিটাৰ ধ্বংস হয়। সেই মাটিয়ে গাড়ীখন পুতি পেলায়। গাড়ীখনৰ পৰা পিছত পাঁচ জন তীৰ্থ যাত্ৰীৰ মৃতদেহ উদ্ধাৰ কৰা হৈছে।
দুৰ্ঘটনাটোৰ ফলত কেদাৰনাথলৈ যোৱা গুপ্তকাশী-গৌৰীকুণ্ড ঘাইপথটো দীঘলীয়া সময়ৰ বাবে বন্ধ হৈ যায়।
যোৱা কেইদিনমানধৰি উত্তৰাখণ্ডৰ কেইবাখনো জিলাত বজ্ৰপাতকে ধৰি ধাৰাসাৰ বৰষুণ চলি আছে। ফলত কেইবাটাও অঞ্চল জলমগ্ন হৈ পৰিছে। ১১ ৰ পৰা ১৪ আগষ্টলৈ কেইবাখনো জিলাত ৰঙা আৰু কমলা সতৰ্কবাণী জাৰি কৰা হৈছে। এনে পৰিস্থিতিত, তীৰ্থযাত্ৰীসকলে আটাইতকৈ বেছি সমস্যাৰ সন্মুখীন হৈছে। তেওঁলোকক বাৰে বাৰে বিভিন্ন পথত আবদ্ধ হৈ পৰিছে।
Continue Reading
