ডিজিটেল ডেস্কঃ মদ্যপ স্বামীৰ গাত জুই লগাই হত্যা কৰাৰ চেষ্টা কৰিলে নিজৰ পত্নীয়ে। চাঞ্চল্যকৰ এই ঘটনাটো সংঘটিত হৈছে ঝাৰখণ্ডৰ ছাতৰা অঞ্চলত।
অভিযোগ অনুসৰি, অঞ্চলটোৰ জয়পুৰ গাঁৱৰ বাসিন্দা বিনোদ ভূঞা নামৰ ৩০ বছৰীয়া লোকজনে প্ৰায়ে মদ্যপান কৰি নিজৰ পত্নীক মাৰধৰ কৰে। শুক্ৰবাৰেও মদ্যপান কৰি পত্মীৰ ওপৰত অত্যাচাৰ চলাইছিল বিনোদে। ইয়াত অতীষ্ঠ হৈ পত্নীয়ে তেওঁৰ হাত ভৰি বান্ধি গাত কেৰাচিন ঢালি জুই লগাই অগ্নিদগ্ধ কৰিবলৈ চেষ্টা কৰে।
বৰ্তমান এখন হস্পিতালত চিকিৎসাধীন অৱস্থাত আছে লোকজন। অৱস্থা সংকটজনক। পত্নী ৰুতি দেৱীক স্বামীক হত্যা কৰাৰ অভিযোগত ইতিমধ্যে গ্ৰেপ্তাৰ কৰা হৈছে।
জানিব পৰা মতে, তেওঁলোকৰ বিয়া হোৱা দুবছৰ হৈ গৈছিল। কিন্তু সন্তান জন্ম হোৱা নাছিল। পাৰিবাৰিক অশান্তিৰ বাবেই তেওঁলোকৰ মাজত সংঘাতে চূড়ান্ত ৰূপ ধাৰণ কৰিছিল।
Continue Reading
