ডিজিটেল ডেস্কঃ এজন পাইলটে চিগাৰেট খোৱাৰ ফলত বিমানখনত থকা ৬৬ জন যাত্ৰীৰ কৰুণ মৃত্যু হৈছিল। অনুসন্ধানত এই ভয়ংকৰ তথ্য পোহৰলৈ আহিছে। ২০১৬ চনতে সংঘটিত হোৱা এক ভয়ংকৰ বিমান দুৰ্ঘটনাৰ প্ৰকৃত ৰহস্য শেহতীয়াকৈ পোহৰলৈ আহিছে। দৰাচলতে বিমানখনৰ ইমাৰ্জেন্সি মাস্কৰ পৰা অক্সিজেন লিক হৈ আছিল। পাইলটজনে চিগাৰেট জ্বলাই দিয়াৰ লগে লগে উৰন্ত বিমানখনৰ ককপিটত জুই লাগিছিল। ফ্ৰান্সৰ পেৰিছ চাৰ্লছ ডি গল বিমানবন্দৰৰ পৰা কায়ৰোলৈ গৈ থকা এয়াৰবাছ A320খন ২০১৬চনৰ মেত দুৰ্ঘটনাগ্ৰস্ত হৈছিল।
বিমানখন ৰহস্যজনক পৰিস্থিতিত ভূমধ্য সাগৰত পৰিছিল। মৃতকসকলৰ ভিতৰত এজন ব্ৰিটিছ, ১২ জন ফৰাচী পৰ্যটক, ৩০ জন ইজিপ্তীয়, দুজন ইৰাকী আৰু ২১ জন কানাডিয়ান নাগৰিক আছিল। দুৰ্ঘটনাটোৰ পিছত বিমানখনৰ ব্লেক বক্সৰ বাবে এক বৃহৎ অনুসন্ধান অভিযান আৰম্ভ কৰা হৈছিল,যাতে দুৰ্ঘটনাটোৰ কাৰণ জানিব পৰা যায়। অৱশেষত, বিমানখনৰ ব্লেক বক্সটো আমেৰিকান নৌসেনাই উদ্ধাৰ কৰিছিল।
গ্ৰীচৰ ওচৰত সাগৰৰ গভীৰ পানীত পৰি আছিল ব্লেক বক্সটো। সেই সময়ত ইজিপ্তৰ বিষয়াসকলে কৈছিল যে বিমান দুৰ্ঘটনাৰ আঁৰত সন্ত্ৰাসবাদীৰ হাত আছিল। অৱশ্যে এতিয়া চৰকাৰী অনুসন্ধানে নিশ্চিত কৰিছে যে পাইলট মহম্মদ ছাইদ আলী শৌকাইৰে কৰা ধূমপানৰ ফলত দুৰ্ঘটনাটো সংঘটিত হৈছিল। বিমান বিশেষজ্ঞসকলে ১৩৪ পৃষ্ঠাৰ এক প্ৰতিবেদনত কৈছে যে পাইলটজনে ককপিটত চিগাৰেট খাই আছিল। বিশেষ কথাটো হ'ল যে ২০১৬ চনৰ দুৰ্ঘটনাৰ সময়ত বিমানখনত ধূমপান নিষিদ্ধ কৰা হোৱা নাছিল।
বিমান বিশেষজ্ঞসকলে কয় যে মেইনটেনেন্স ইঞ্জিনীয়াৰে অক্সিজেন মাস্কটো স্বাভাৱিক স্থানৰ পৰা জৰুৰীকালীন অৱস্থালৈ স্থানান্তৰিত কৰে। যাৰ ফলত অক্সিজেন লিক হ'বলৈ ধৰে। প্ৰতিবেদন অনুসৰি ২০১৬ চনৰ ১৯ মে তাৰিখে পুৱতি নিশা ২.২৫ বজাত অক্সিজেন লিকেজৰ শব্দ বাহিৰ হ'বলৈ আৰম্ভ কৰিছিল। ইয়াৰ কেইমিনিটমানৰ পাছতে বিমানখন দুৰ্ঘটনাগ্ৰস্ত হৈছিল।
Continue Reading
