ডিজিটেল ডেস্কঃ ভাৰতৰ পৰা পাকিস্তানৰ সন্ত্ৰাসবাদীক ধনৰ যোগান ধৰা চক্ৰৰ বিৰুদ্ধে অভিযান তীব্ৰতৰ কৰি তুলিছে জ্যিক অনুসন্ধান সংস্থা, ছিয়াই। উপত্যকাটোৰ বিভিন্ন স্থানত অভিযান চলাই ছিয়াই ২৯ লাখ টকা উদ্ধাৰ কৰিছে। এক বিবৃতিত এছআইএৰ এগৰাকী মুখপাত্ৰই কয়, "সন্ত্ৰাসবাদী সংগঠনসমূহৰ ভেটি সম্পূৰ্ণৰূপে ধ্বংস কৰাৰ উদ্দেশ্যৰে সন্ত্ৰাসবাদী সংগঠনসমূহৰ নেটৱৰ্ক ধ্বংসৰ কাম অব্যাহত ৰখা হৈছে। তাৰেই অংশ হিচাবে কাশ্মীৰৰ ৰাজ্যিক অনুসন্ধান সংস্থাই কাশ্মীৰ উপত্যকাৰ একাধিক স্থানত তালাচী চলাইছে" ।
জানিব পৰা মতে কুপৱাৰা, বাৰামুলা, বন্দিপোৰা, শ্ৰীনগৰ আৰু বুদগামত সন্দেহযুক্ত লোকৰ ঘৰত তালাচী চলোৱা হয়। টাডা/পোটা আইনৰ অধীনত নিৰ্ধাৰিত বিশেষ স্থানত ন্যায়াধীশৰ অনুমতিৰ ভিত্তিত তালাচী চলোৱা হয়। আজি কেইবাজনো লোকৰ বিৰুদ্ধে সন্ত্ৰাসবাদীক ধনৰ যোগান ধৰাৰ অভিযোগত গোচৰ ৰুজু কৰা হয়।
সংস্থাটোৱে বিবৃতিত কয় —"এই গোচৰ পাকিস্তানত অৱস্থিত সন্ত্ৰাসবাদী সংগঠন (আল-বদৰ)ৰ সদস্যসকলৰ সৈতে যিসকলে সম্পৰ্ক ৰক্ষা কৰি ভাৰত বিদ্বেষী পাকিস্তানী সংস্থাসমূহৰ সক্ৰিয় সমৰ্থন আৰু সহযোগিতাৰে উপত্যকাত সন্ত্ৰাসবাদী কাৰ্যকলাপ আগবঢ়াই নিছে তেওঁসলোকৰ বিৰুদ্ধে তৰা হৈছে।"
তালাচীৰ সময়ত সংস্থাটোৱে ২৯ লাখ টকাৰ জব্দ কৰা বুলিও বিবৃতিত উল্লেখ কৰিছে। ইয়াৰ লগতে কেইবা খনো পাছবুক, চেক বুক, আৰু মোবাইল ফোন তথা অন্যান্য ডিজিটেল সঁজুলিও জব্দ কৰা হৈছে।
Continue Reading
