ডিজিটেল ডেস্কঃ আই পি এল আৰু পাকিস্তান ছুপাৰ লীগৰ মাজত পাৰ্থক্য তীব্ৰ। আৰ্থিকভাৱে পাকিস্তান ছুপাৰ লীগতকৈ কেইবাগুণ আগুৱাই আছে আই পি এল। পি এছ এলৰ এটা ছিজনত পাকিস্তান ক্ৰিকেট ব’ৰ্ডে যিমান টকা উপাৰ্জন কৰে, তাতকৈ অধিক ধন সম্প্ৰচাৰ চেনেলসমূহে আই পি এলৰ এখন মেচ টেলিকাষ্টিঙৰ বাবে বি চি চি আইক দিয়ে।
কিন্তু এজন ক্ৰিকেটাৰে ভাৰততকৈ পাকিস্তানতহে অধিক ধন লাভ কৰিছে। তেওঁ আই পি এল বিজয়ী দল গুজৰাট টাইটানছৰ ক্ৰিকেটাৰ। নাম নুৰ আহমেদ। আফগানিস্তানৰ এইগৰাকী ক্ৰিকেটাৰে ২০২৩ চনৰ পৰা আই পি এল খেলি আহিছে। যোৱা নিলামত গুজৰাটে তেওঁক ৩০ লাখ টকাত কিনিছিল।
আনহাতে, পাকিস্তান ছুপাৰ লীগৰ এইবাৰৰ ড্ৰাফটৰ পূৰ্বে তেওঁক প্লেটিনাম শাখাত স্থান দিয়া হৈছিল। পেছাৱৰ জালমীয়ে ৮৭ লাখ ২৫ হাজাৰ টকাত নূৰ কিনিছিল। অৰ্থাৎ আই পি এলতকৈ পি এছ এলত ৫৭ লাখ ২৫ হাজাৰ টকা বেছি লাভ কৰিব নূৰে।
Continue Reading
