ডিজিটেল ডেস্কঃ বেটিং কৰিবলৈ ওলাই আহিল হেৰিছ ৰাউফে। কিন্তু তেওঁৰ মূৰত হেলমেট বা হাতত গ্ল’ভছ নাই। আনকি পাকিস্তানী ক্ৰিকেটাৰগৰাকীয়ে পেডো পিন্ধা নাছিল। কেৱল বেটখন লৈহে পেভিলিয়নৰ পৰা বাহিৰ হয়। ৰাউফৰ এই ঘটনাত তেওঁৰ দলৰ ক্ৰিকেটাৰসকলেও হাঁহিলে।
বিগ বেছ লীগত সংঘটিত হৈছে এই ঘটনা। মেলবৰ্ণ ষ্টাৰছ বনাম ছিডনী থাণ্ডাৰৰ খেলখন চলি আছিল। মেলবৰ্ণৰ হৈ খেলি আছিল ৰাউফে। ইনিংছত শেষ অভাৰৰ শেষ বলৰ আগতেই উইকেটটো পৰিল। ফলত ৰাউফে শেষৰ বলটো খেলিবলৈ নামি আহিবলগীয়া হ’ল। সেইটোও নন-ষ্ট্ৰাইকিং এজত।
সেইবাবেই ৰাউফে প্ৰথমে বেটখন লৈহে নামিবলৈ গৈ আছিল। পিছত সতীৰ্থৰ কথাত হেলমেট আৰু গ্ল’ভছ লগত লৈ গ’ল। কিন্তু পেড পিন্ধা নাছিল। সেই অৱস্থাত তেওঁ খেলপথাৰলৈ নামি আহি ক্ৰীজত থিয় হ’ল। তালৈ যোৱাৰ সময়ত তেওঁ গ্ল’ভছ আৰু হেলমেট পিন্ধে। ৰাউফে হয়তো ভাবিছিল যে শেষৰ বলটো ষ্ট্ৰাইকিং এণ্ডত তেওঁৰ সতীৰ্থই বল কৰিব। তেওঁ আৰু বেটিং কৰিব নালাগে। সেইবাবেই তেওঁ পেড পিন্ধা নাছিল। শেষ বলটোও খেলিব নালাগিল। কাৰণ, সেই বলৰ বাবেই ষ্টাৰছৰ উইকেট পৰিল।
কেৱল বিপক্ষই নহয়, নিজৰ দলৰ ক্ৰিকেটাৰসকলেও ৰাউফৰ এই কাৰ্যত হাঁহিছিল। এই দৃশ্যপট সাধাৰণতে ক্ৰিকেটত দেখা নাযায়। বহু সময়ত ক্ৰিকেটাৰে খেলপথাৰত প্ৰৱেশ কৰাৰ পিছত গ্ল’ভছ বা হেলমেট পিন্ধে। কিন্তু পেড অবিহনে কাকো দেখা নাযায়। কিন্তু আম্পায়াৰসকলে তেওঁক বাধা নিদিলে। ৰাউফে খেলিবলৈ অনুমতি দিলে।\
Continue Reading
