ডিজিটেল ডেস্কঃ বিশ্বকাপৰ পাছত পাকিস্তানৰ অধিনায়ক পদৰ পৰা পদত্যাগ কৰে বাবৰ আজমে। তিনিওটা ফৰ্মেটৰ পৰা আঁতৰি গ’ল। ইয়াৰ পিছতে টেষ্টত শ্বান মাছুদ আৰু টি-২০ত শ্বাহীন আফ্ৰিদিক অধিনায়ক নিযুক্তি দিয়া হয়। তাৰ লগে লগে পাকিস্তান ক্ৰিকেটত পুনৰ অশান্তিৰ সৃষ্টি হ’ল। শহুৰেক শ্বাহিদ আফ্ৰিদীয়ে এখনো মেচত নেতৃত্ব দিয়াৰ পূৰ্বে শ্বাহিনক অধিনায়কৰ পদৰ পৰা আঁতৰাই দিবলৈ দাবী জনায়।
মহম্মদ ৰিজৱানক অধিনায়ক হিচাপে নিযুক্তি দিয়াটো বিচাৰিছে পাকিস্তানৰ প্ৰাক্তন অধিনায়ক শ্বাহিদে। তেওঁ কয়, ‘ৰিজৱানৰ কঠোৰ পৰিশ্ৰম আৰু মনোনিৱেশক মই প্ৰশংসা কৰো। তেওঁৰ শ্ৰেষ্ঠ গুণটো হ’ল তেওঁ সদায় নিজৰ খেলত মনোনিৱেশ কৰে। বাকীবোৰে দেখা নাপায় তেওঁলোকে কি কৰা নাই। প্ৰকৃত যুঁজাৰু ক্ৰিকেটাৰ হোৱাৰ অৰ্থ তেওঁ। মই তেওঁক টি-২০ত অধিনায়ক হিচাপে চাব বিচাৰো। ভুলতে শ্বহীনক অধিনায়ক কৰি দিয়া হ’ল।”
টিভি শ্ব’ এটাত ভাষণ দি থাকোঁতে শ্বাহিদৰ পিছফালে বহি আছিল শ্বাহীন। শ্বাহিদে তেওঁৰ ফালে চাই এই কথাবোৰ ক’লে। সকলো শুনি শ্বাহীনে হাঁহি মাৰি থাকিল। যদিও কথাটো হাস্যকৰ, পাকিস্তানৰ অনুৰাগী জুইত জাহ গৈছে। তেওঁলোকৰ দাবী, শ্বাহিদৰ দৰে অভিজ্ঞ ক্ৰিকেটাৰ এজনে ৰাজহুৱাকৈ এনে কথা কিয় ক’ব? দলৰ ঐক্য ঠিক হ’বনে? য’ত শ্বহীনে এখনো মেচতে নেতৃত্ব নিদিলে, তাত তেওঁৰ নেতৃত্বক লৈ প্ৰশ্ন উত্থাপন কৰাটো সঠিক নেকি? এতিয়াৰ বাবে অৱশ্যে কোনো প্ৰশ্নৰ উত্তৰ পোৱা নাই।
Continue Reading
