ডিজিটেল ডেস্কঃ পাকিস্তানৰ যুৱতীৰ ওপৰত চকু পৰিছে চীনৰ লোকৰ৷ এনেও চীনৰ বহু যুৱতীয়ে বিয়াৰ প্ৰতি আগ্ৰহ প্ৰকাশ নকৰাৰ বাবে বহু যুৱকে বিয়া পাতিব পৰা নাই৷ ইয়াৰ মাজতে একাংশ চীনা লোকে পাকিস্তানী যুৱতীক বিয়া পাতি চীনলৈ নি বিক্ৰী কৰাৰো গুৰুতৰ অভিযোগ উত্থাপন হৈছে আন্তঃৰাষ্ট্ৰীয় সংমবাদমাধ্যমতে৷
প্ৰকাশিত খবৰ অনুসৰি পাকিস্তান অৰ্থনৈতিক কৰিডৰ (চিপিইচি) প্ৰকল্প ব্যৱহাৰ কৰিয়েই পাকিস্তানৰ পৰা অবাধে চীনলৈ পাক যুৱতীক সৰবৰাহ কৰা হৈছে৷
চিপিইচি সুবিধা লৈ চীনে এতিয়া ইছলামিক দেশৰ যুৱতীক বিয়াৰ নামত চীনলৈ আমদানি কৰি থকা বুলি বিভিন্ন সংবাদমাধ্যমত বাতৰি প্ৰকাশ পাইছে৷ শেহতীয়া এক প্ৰতিবেদনত কোৱা হৈছে যে চীনা লোকসকলে পাকিস্তানলৈ আহে আৰু আন ধৰ্মৰ নাবালিকা ছোৱালীক বিয়া কৰায়, আৰু তেওঁলোকক চীনলৈ লৈ যায়।চীনত তেনে পাক যুৱতীৰ বহুতকে বিক্ৰী কৰি দিয়াৰো অভিযোগ উঠিছে৷ উল্লেখ্য ২০১৯ চনতো তেনে অভিযোগ উঠিছিল৷
চীনে বিবাহৰ অচিলালৈ এনেদৰে মানৱ সৰবৰাহ কৰি থকাৰ বিষয়টোত পাকিস্তানৰ চৰকাৰ ৰহস্যজনকভাবে মৌন হৈ থকা বুলিও সংবাদমাধ্যমত প্ৰকাশ পাইছে৷ সংবাদমাধ্যমত প্ৰকাশিত এক বাতৰি অনুসৰি চীনৰ লোকসকলে ভুৱা ব্যৱসায়িক নথিপত্ৰৰ জড়িয়তে পাকিস্তানৰ ছোৱালীক চীনলৈ লৈ গৈছে।
Continue Reading
