ডিজিটেল ডেস্কঃ কাশ্মীৰকলৈ ভাৰতৰ সৈতে পাকিস্তানৰ সংঘাত অব্যাহত আছে৷ শেহতীয়াকৈ ভাৰত-পাকিস্তানৰ মাজত চলি থকা এনে সংঘাতক অধিকতীব্ৰতৰ কৰি তুলিছে পাক প্ৰধানমন্ত্ৰীৰ এষাৰ বাক্যই৷ ভাৰতৰ প্ৰতি চৰম ভাবুকিৰ সৃষ্টি কৰি পাক প্ৰধানমন্ত্ৰীগৰাকীয়ে স্পষ্টভাবে ভাৰতৰ বিৰুদ্ধে পাৰমাণৱিক শক্তি প্ৰয়োগৰ ভাবুকি দিছে৷
পাক প্ৰধানমন্ত্ৰী শ্বেহবাজ শ্বৰীফে ভাৰতে পাকিস্তানৰ পাৰমাণৱিক শক্তিক অৱজ্ঞা কৰিব নোৱাৰে বুলি সকিয়াই দিছে ।তেওঁ কয় যে পাকিস্তানৰ শত্ৰুৰ চকু উলিয়াই আনি ভৰিৰে গুৰি কৰাৰ ক্ষমতা পাকিস্তানৰ আছে।শেহতীয়াকৈ পাক অধিকৃত কাশ্মীৰত পাক প্ৰধানমন্ত্ৰীগৰাকীয়ে ভাৰতক সতৰ্ক কৰি দি কয় যে পাকিস্তান এখন পাৰমাণৱিক থকা দেশ আৰু ভাৰতে পাকিস্তানক হেয় চকুৰে চাব নোৱাৰে।
শ্বৰীফে কাশ্মীৰীসকলৰ স্বাধীনতা লাভৰ বাবে পাকিস্তানে সকলো ধৰণৰ সহায় কৰিব বুলিও কথা দিয়ে৷ ইতিমধ্যে পাক প্ৰধনমন্ত্ৰীৰ ভাষণ ভাইৰেল হৈ পৰিছে৷
Continue Reading
