ৰাজস্থানৰ আলৱাৰৰ পৰা পাকিস্তানত উপস্থিত হোৱা অঞ্জুৱে অহৰহ বাতৰিৰ শিৰোনাম দখল কৰি আছে। তালৈ যোৱাৰ পাছত মহিলাগৰাকীয়ে ইছলাম ধৰ্ম গ্ৰহণ কৰি ফাতিমা হয় আৰু লগতে প্ৰেমিক নছৰুলাহক বিয়া কৰায়। এতিয়া অঞ্জুৰ এটা অডিঅ’ ভাইৰেল হৈ আছে য’ত তেওঁ স্বামী অৰবিন্দৰ সৈতে ক

Listen to Article

2 min read

80%

ডিজিটেল ডেস্কঃ ৰাজস্থানৰ আলৱাৰৰ পৰা পাকিস্তানত উপস্থিত হোৱা অঞ্জুৱে অহৰহ বাতৰিৰ শিৰোনাম দখল কৰি আছে। তালৈ যোৱাৰ পাছত মহিলাগৰাকীয়ে ইছলাম ধৰ্ম গ্ৰহণ কৰি ফাতিমা হয় আৰু লগতে প্ৰেমিক নছৰুলাহক বিয়া কৰায়। এতিয়া অঞ্জুৰ এটা অডিঅ’ ভাইৰেল হৈ আছে য’ত তেওঁ স্বামী অৰবিন্দৰ সৈতে কথা পাতিছে, এই কথা-বতৰাত অঞ্জুৱে অৰবিন্দক অবিৰতভাৱে গালি-গালাজ কৰা শুনা গৈছে।

শেহতীয়াকৈ অঞ্জুৱে ভাৰতত বাস কৰা স্বামী অৰবিন্দক ফোন কৰিছিল। যাৰ অডিঅ’ ভাইৰেল হৈ পৰিল। ভাইৰেল অডিঅ’ত তেওঁ অৰবিন্দক বেয়াকৈ কৈছিল, তাৰ পিছত দুয়োৰে মাজত যথেষ্ট তৰ্ক হৈছিল। অঞ্জুৱে অৰবিন্দক ক’লে যে আপুনি সংবাদ মাধ্যমত কি কথা কৈ আছে। নিজৰ কথাও কওকচোন, যে আপুনি কেনেকুৱা মানুহ।

ইয়াৰ পূৰ্বে সংবাদ মাধ্যমক দিয়া এক সাক্ষাৎকাৰত অঞ্জুৱে সংবাদ মাধ্যমকো তীব্ৰ সমালোচনা কৰিছিল। উল্লেখ্য যে পূৰ্বতে ৰাজস্থানত বাস কৰা অৰবিন্দৰ সৈতে অঞ্জুৰ বিবাহ হৈছিল। তেওঁৰ এগৰাকী ১৫ বছৰীয়া কন্যা আৰু এজন ছবছৰীয়া ল’ৰা আছে। অঞ্জুৰ স্বামীয়ে অভিযোগ কৰিছে যে মহিলাগৰাকীয়ে মিছা কথা কৈ পাকিস্তানলৈ গৈছে। অৱশ্যে এতিয়ালৈকে ভিডিঅ’টিৰ কোনো আনুষ্ঠানিক শুদ্ধতাৰ নিশ্চিতি প্ৰদান কৰা হোৱা নাই৷