ডিজিটেল ডেস্কঃ পাকিস্তানত সংঘটিত হৈছে এটি ভয়াৱহ হত্যাকাণ্ড। দেশখনৰ খাইবাৰ পাখতুনখোৱা প্ৰদেশৰ আপাৰ কুৰাম তহচিলত বৃহস্পতিবাৰে কমেও ৮ গৰাকী শিক্ষকক হত্যা কৰা হয়।
স্থানীয় আৰক্ষীয়ে জনোৱা মতে, বন্দুকধাৰীয়ে তহচিল হাইস্কুলৰ ষ্টাফ ৰুমত প্ৰৱেশ কৰি গুলীচালনা কৰে। শিক্ষককেইজন মেট্ৰিক পৰীক্ষাৰ ডিউটিত আহিছিল। তেওঁলোকৰ ওপৰত গুলীচালনা কৰা হয়।
পাকিস্তানৰ ৰাষ্ট্ৰপতি ড০ আৰিফ আলভিয়ে কয় যে যিসকলে শিক্ষকক হত্যা কৰিছে তেওঁলোক শিক্ষাৰ বিৰোধী।
আৰক্ষীয়ে দুৰ্বৃত্তৰ সন্ধানত অভিযান অব্যাহত ৰাখিছে যদিও এতিয়াও বিচাৰি পোৱা নাই। এই ঘটনাৰ পাছতে মেট্ৰিক পৰীক্ষা পিছুৱাই দিয়া হৈছে। এই ঘটনাই পাকিস্তানৰ আপাৰ কুৰামৰ অৱস্থা সম্পূৰ্ণৰূপে অস্থিৰ কৰি তুলিছে।
Continue Reading
