ডিজিটেল ডেস্কঃ চৰকাৰে পেন কাৰ্ডৰ সৈতে আধাৰ কাৰ্ড সংযোগ কৰাৰ সময়সীমা পুনৰ ৩০ জুনলৈ বৃদ্ধি কৰিছে। স্থায়ী একাউণ্ট নম্বৰ (পেন) আধাৰৰ সৈতে সংযোগ কৰাৰ সময়সীমা ৩০ জুন, ২০২৩ লৈ বৃদ্ধি কৰাৰ কথা বিত্ত মন্ত্ৰালয়ে মঙলবাৰে এক বিজ্ঞপ্তিত প্ৰকাশ কৰিছে। ইয়াৰ পূৰ্বে পেন কাৰ্ডৰ সৈতে আধাৰৰ সংযোগ কৰাৰ সময়সীমা আছিল ৩১ মাৰ্চ, ২০২৩।
আয়কৰ আইন ১৯৬১ৰ ১৩৯এএ ধাৰাৰ উপ-ধাৰা (২) অনুসৰি প্ৰতিজন ব্যক্তিৰ বাবে এয়া বাধ্যতামূলক। কেইবাবাৰো সময়সীমা বৃদ্ধিৰ পিছত চৰকাৰে ৩০ জুন, ২০২৩ তাৰিখলৈ আধাৰৰ সৈতে পেন কাৰ্ড সংযোগ কৰাৰ অন্তিম তাৰিখ নিৰ্ধাৰণ কৰিছে।
১ জুলাই, ২০২৩ ৰ পৰা আধাৰ-পান সংযোগ নকৰাসকলৰ পেন নিষ্ক্ৰিয় হৈ পৰিব। অৱশ্যে মন্ত্ৰালয়ে লগতে কয় যে ১,০০০ টকাৰ মাচুল পৰিশোধ কৰাৰ পিছত নিৰ্ধাৰিত কৰ্তৃপক্ষক আধাৰ অৱগত কৰি ৩০ দিনৰ ভিতৰত পুনৰ পান কাৰ্ড কাৰ্যকৰী কৰা হ'ব। বিত্ত মন্ত্ৰালয়ৰ মতে, যিসকল ব্যক্তিৰ পেন নিষ্ক্ৰিয় হৈ পৰিব তেনে লোকে পানৰ বিপৰীতে কোনো ধন ঘূৰাই নাপাব; যি সময়ছোৱাত পেন নিষ্ক্ৰিয় হৈ থাকে সেই সময়ৰ বাবে এনে ধনৰ ওপৰত সূত পৰিশোধ কৰা নহ'ব আৰু টিডিএছ আৰু টিচিএছ উচ্চ হাৰত কৰ্তন /সংগ্ৰহ কৰা হ'ব,তথ্য অনুসৰি ৫১ কোটিতকৈও অধিক পানকাৰ্ড ইতিমধ্যে আধাৰৰ সৈতে সংযুক্ত কৰা হৈছে বুলি বিত্ত মন্ত্ৰালয়ে কয়।
আপুনি আপোনাৰ আধাৰৰ সৈতে আপোনাৰ পেন কেনেদৰে লিংক কৰিব পাৰিব
– আয়কৰ ই-ফাইলিং পৰ্টেল খোলক: https://incometaxindiaefiling.gov.in/ লৈ গৈ।
— ইয়াত পঞ্জীয়ন কৰক (যদি ইতিমধ্যে কৰা হোৱা নাই)। আপোনাৰ পেন (স্থায়ী একাউণ্ট নম্বৰ) ।
— ব্যৱহাৰকাৰী আইডি, পাছৱৰ্ড আৰু জন্মৰ তাৰিখ অন্তৰ্ভুক্ত কৰি লগ ইন কৰক।
— এটা পপ আপ উইণ্ডো ওলাব, যাৰ দ্বাৰা আপুনি আপোনাৰ পেন-আধাৰৰ সৈতে লিংক কৰিব পাৰিব। যদি নহয়, মেনু বাৰত 'প্ৰ'ফাইল ছেটিংছ'লৈ যাওঁক আৰু 'আধাৰ লিংক কৰক'ত ক্লিক কৰক।
— জন্ম তাৰিখ আৰু লিংগৰ দৰে বিৱৰণ ইতিমধ্যে পেনৰ বিৱৰণ অনুসৰি উল্লেখ কৰা হ'ব।
— আপোনাৰ আধাৰত উল্লেখ কৰা বিৱৰণবোৰৰ সৈতে স্ক্ৰীণত পেনৰ বিৱৰণ পৰীক্ষা কৰক। অনুগ্ৰহ কৰি মন কৰিব যে যদি অমিল হয়, আপুনি নথিপত্ৰত সেয়া সংশোধন কৰিব লাগিব।
— যদি বিৱৰণ মিলা হয়, আপোনাৰ আধাৰ নম্বৰ প্ৰবিষ্ট কৰক আৰু "এতিয়া লিংক কৰক" বুটামত ক্লিক কৰক।
– এটা পপ-আপ বাৰ্তাই আপোনাক জনাব যে আপোনাৰ আধাৰ সফলতাৰে আপোনাৰ পেনৰ সৈতে সংযোগ কৰা হৈছে।
— আপুনি আপোনাৰ পেন আৰু আধাৰ লিংক কৰিবলৈ https://www.utiitsl.com/ বা https://www.egov-nsdl.co.in/ তো লগ ইন কৰিব পাৰে।
Continue Reading
