পানীয়েই প্ৰাণীৰ প্ৰাণ! খোৱা পানীয়েও আপোনাক ৰোগ মুক্ত কৰি ৰাখিব পাৰে...

খোৱা পানীৰ উপকাৰিতা সন্দৰ্ভত কৰা গৱেষণাত গৱেষক সকলে কয় যে দিনটোত আঠ কাপ পানী খোৱাৰ ফলত বৃক্কত পাথৰ হোৱাৰ সম্ভাৱনা বহু পৰিমাণে হ্ৰাস পায় আৰু তেওঁলোকে লগতে কয় যে কেইবাটাও গৱেষণাৰ পৰা প্ৰমাণিত হৈছে যে দিনটোত প্ৰায় ছয় কাপ পানী খোৱাৰ ফলত প্ৰাপ্তবয়স্কসকলৰ ওজন কম কৰাত সহায় কৰে। কিশোৰ-কিশোৰীসকলক লৈ কৰা এক অধ্যয়নত দেখা গৈছে যে দিনটোত আঠ কাপতকৈ অলপ বেছি পানী খোৱাৰ কোনো প্ৰভাৱ নপৰে।যদিও বৈজ্ঞানিক প্ৰমাণ তথা  গুণগত মান আৰু পৰিমাণ সীমিত হোৱাৰ পিছতো লেখকসকলে জাৰ্নেল অৱ দ্য আমেৰিকান মেডিকেল এছ’চিয়েশ্যন (জামা) নেটৱৰ্ক অ’পেনত প্ৰকাশিত অধ্যয়নত ডায়েবেটিছ আৰু হাইপ’ৰটেনচন (নিম্ন ৰক্তচাপ) ৰোগত আক্ৰান্ত হোৱা সকলৰ বাবে পানীৰ উপকাৰিতাৰ বিষয়ত সম্ভাৱনীয়তা প্ৰকাশ কৰে৷ 

ইউনিভাৰ্চিটি অৱ কেলিফৰ্নিয়া ছান ফ্ৰান্সিস্কোৰ ইউৰ'লজী বিভাগৰ অধ্যক্ষ বেঞ্জামিন ব্ৰেয়াৰে কয় যে এই বিষয়ত গৱেষণা সীমিত হৈ আছে, কিন্তু কিছুমান ক্ষেত্ৰত পৰিসংখ্যাগতভাৱে উল্লেখযোগ্য সুবিধা পোৱা গৈছে৷ ক্লিনিকেল ফলাফলৰ ওপৰত পানী সেৱনৰ সুফলৰ ব্যাপক মূল্যায়ন কৰা এইটোৱেই প্ৰথম অধ্যয়ন।

ব্ৰেয়াৰে লগতে কয়, মেদবহুলতা হ্ৰাস কৰিবৰ বাবে খাদ্য খোৱাৰ আগতে পানী খোৱাটো এটা সহজ আৰু কম খৰচী উপায় বুলি উল্লেখ কৰিছে৷ প্ৰাপ্তবয়স্কসকলে তিনিমাহৰো অধিক উল্লেখিত পৰিমাণৰ পানী খোৱাৰ পিছত মূৰৰ বিষৰ পৰা উপশম পাব পাৰে বুলি কয়৷লগতে গ্লুক’জৰ মাত্ৰা বৃদ্ধি পালে দিনটোত অতিৰিক্ত ছয় কাপ পানী খালে সময়ৰ লগে লগে ৰক্তচাপ হ্ৰাস পায় বুলি গৱেষকসকলে সদৰি কৰে৷ আৱশ্যে গৱেষকসকলে উল্লেখ কৰিছে যে পানী খোৱাৰ ক্ষেত্ৰত কোনো একক বা আকাৰৰ পদ্ধতি নাই৷