ডিজিটেল ডেস্ক: কেৰালাত সংঘটিত হৈছে এটি নোহোৱা-নোপজা ঘটনা৷ ভোকৰ তাড়নাত এজন যুৱকে ভক্ষণ কৰিলে এটা মেকুৰী৷ যুৱকজন অসমৰ৷ কৰ্মসূত্ৰে থাকে কেৰালাত৷
উত্তৰ কেৰালা জিলাৰ কুট্টিপুৰমত অসমৰ যুৱকজন পাঁচদিনধৰি ভোকত কলবলাই আছিল৷ পাঁচদিনৰ অন্তত খাদ্য গ্ৰহণৰ কোনো উপায় বিচাৰি নোপোৱাত মেকুৰীৰ কেঁচা মাংস ভক্ষণ কৰা দেখা গৈছিল।
ঘটনাটো শনিবাৰে সন্ধিয়া কুট্টিপুৰমৰ এটা ব্যস্ত বাছ ষ্টেণ্ডৰ চৌহদত সংঘটিত হৈছে। ২৭ বছৰীয়া যুৱকজন জন্মসূত্ৰে অসমৰ ধুবুৰী জিলাৰ বাসিন্দা বুলি আৰক্ষীয়ে সদৰী কৰিছে৷
এজন জ্যেষ্ঠ আৰক্ষী বিষয়াই কয় যে স্থানীয় লোকসকলে তেওঁক বাছ ষ্টেণ্ডৰ চিৰিৰ ওপৰত বহি এটা মৃত মেকুৰীৰ কেঁচা মাংস খাই থকা দেখিছিল। খবৰ পোৱাৰ পাছত আমি ঘটনাস্থলী পৰিদৰ্শন কৰিছিলোঁ। যেতিয়া তেওঁৰ সৈতে সোধা-পোছা কৰা হৈছিল, তেওঁ কৈছিল যে তেওঁ যোৱা পাঁচ দিন ধৰি কোনো খাদ্য খোৱা নাই৷
প্ৰাথমিক চিকিৎসা পৰীক্ষাৰ পাছত লোকজনক চুবুৰীয়া ত্ৰিচুৰৰ এখন চিকিৎসালয়ত ভৰ্তি কৰোৱা হৈছে। আৰক্ষীয়ে লগতে কয় যে যুৱকজনৰ কোনো শাৰীৰিক বা মানসিক সমস্যা নাই৷ পৰিয়ালৰ লোক ইয়াত উপস্থিত হ’লে তেওঁক তেওঁৰ আত্মীয়সকলৰ হাতত গতাই দিয়া হ’ব৷
Continue Reading
