ডিজিটেল ডেস্কঃ আজি ১১ ছেপ্টেম্বৰ দেওবাৰে পুৱা পূব পাপুয়া নিউ গিনিত এই ভয়ংকৰ ভূমিকম্পই জোকাৰি যায়। এই ভূমিকম্পৰ প্ৰাবল্য আছিল ৰিখটাৰ স্কেলত ৭.৬। ভূমিকম্পৰ কেন্দ্ৰস্থলৰ পৰা প্ৰায় ৩০০ মাইল (৪৮০ কিলোমিটাৰ) দূৰত কম্পন অনুভৱ কৰা হৈছিল। ভূমিকম্পই জোকাৰি যায় সাগৰীয় উপকুল অঞ্চল। এই ভয়ংকৰ ভূমিকম্প অনুভূত হোৱাত ছুনামীৰ আশংকা কৰা হৈছে।
হাই এলাৰ্ট জাৰি কৰি উপকুলীয় অঞ্চলৰ জনসাধাৰণক সাগৰৰ পাৰৰ পৰা আঁতৰি অহাৰ বাবে আহ্বান কৰা হৈছে। বহুতো ঘৰ আৰু অট্টালিকাৰ ক্ষতি হোৱাৰ লগতে তিনি জন মানুহৰ মৃত্যু হোৱা বুলি বাতৰি পোৱা গৈছে। ভূমিকম্পৰ প্ৰাবল্য লৈ চাই আমেৰিকা যুক্তৰাষ্ট্ৰৰ ভূতাত্ত্বিক জৰীপেও ছুনামিৰ সতৰ্কবাণী জাৰি কৰিছে।
ভূমিকম্পৰ ফলত পাপুয়া নিউ গিনিৰ কিছু অংশত বিদ্যুৎ কৰ্তন হোৱাৰ লগতে বহুতো ঘৰ আৰু অট্টালিকাৰ ক্ষতিৰ খবৰ পোৱা গৈছে। উল্লেখ্য যে, পাপুয়া নিউ গিনি প্ৰশান্ত মহাসাগৰীয় অঞ্চলত “ৰিং অফ ফায়াৰ”ৰ মাজত অৱস্থিত, সেই বাবেই এই অঞ্চলত সঘনাই ভূমিকম্প হয়।
Continue Reading
