ডিজিটেল ডেস্কঃ এক জঘন্য ঘটনা ঘটিছে মহাৰাষ্ট্ৰৰ পুনেত। ঋণ পৰিশোধ কৰিবলৈ ব্যৰ্থ হোৱাৰ বাবেই এজন ঋণদাতাই এজন লোকৰ পত্নীক ধৰ্ষণ কৰাৰ অভিযোগ উত্থাপিত হৈছে। ঘটনাটো মহাৰাষ্ট্ৰৰ পুনেত সংঘটিত হৈছে। আৰক্ষীয়ে অভিযুক্ত ঋণদাতা লোকজনক গ্ৰেপ্তাৰ কৰিছে।
আৰক্ষীয়ে জনোৱা অনুসৰি ঘটনাটো এই বছৰৰ ফেব্ৰুৱাৰীতে সংঘটিত হৈছিল।কিন্তু ঘটনাটোৰ কথা পলমকৈহে পোহৰলৈ আহে। আৰক্ষীয়ে জনোৱা অনুসৰি মহিলাগৰাকীৰ স্বামীয়ে এজন লোকৰ পৰা কিছু টকা ধাৰলৈ লৈছিল। কিন্তু সময়ত তেওঁ ধন পৰিশোধ কৰাত ব্যৰ্থ হৈছিল। ঋণদাতা লোকজনে নিৰন্তৰ ধন আদায় লোকজনক ভাবুকি দিছিল।
এদিন, ঋণদাতা লোকজনে স্বামীক টকা ঘূৰাই দিবলৈ হেঁচা দিছিল আৰু তেওঁৰ পত্নীক স্বামীৰ চকুৰ সন্মুখতে ধৰ্ষণ কৰিছিল। ৪৭ বছৰীয়া ধনদাতাই গোটেই ঘটনাটো তেওঁৰ মোবাইল ফোনত ৰেকৰ্ড কৰিছিল। পিছত তেওঁ ইয়াক সামাজিক মাধ্যমতো বিয়পাই দিছিল।
পুনেৰ এজন আৰক্ষী বিষয়াই কয়, "ঘটনাটো এই বছৰৰ ফেব্ৰুৱাৰীত সংঘটিত হৈছিল। আমি অভিযুক্তজনক গ্ৰেপ্তাৰ কৰিছো। তদন্ত চলি আছে। আৰক্ষীয়ে ধাৰণা কৰিছে যে অভিযুক্তজনক জেৰা কৰি এই সন্দৰ্ভত অধিক তথ্য লাভ কৰাব পৰা যাব।
Continue Reading
