ডিজিটেল ডেস্কঃ সৌসিদিনা বানে সংহাৰৰ সৃষ্টি কৰিছিল দিল্লীত। ইয়াৰ মাজতে দিল্লীত পুনৰ ডেংগুৱে সংহাৰী ৰূপ ধাৰণ কৰিছে। শেহতীয়াকৈ দিল্লীত হোৱা বানপানীৰ পিছত ডেংগুৰ প্ৰকোপ অধিক বৃদ্ধি পাইছে।
ডেংগু ৰোগীৰ উদ্বেগজনক বৃদ্ধিৰ মাজতে দিল্লীৰ স্বাস্থ্য মন্ত্ৰী সৌৰভ ভৰদ্বাজে শুকুৰবাৰে কয় যে ২০ টা ডেংগু নমুনাৰ জিনম অনুক্ৰম পৰীক্ষা কৰা হৈছে যাৰ ভিতৰত ১৯ টা নমুনা ইতিবাচক পোৱা গৈছে। ভৰদ্বাজে লগতে কয় যে যে দিল্লীৰ মুখ্যমন্ত্ৰী অৰবিন্দ কেজৰিৱালে স্বাস্থ্য বিভাগক ডেংগু ৰোগীসকলৰ বাবে বিচনা সংৰক্ষণ কৰিবলৈ আৰু চিকিৎসালয় আৰু 'মহল্লা' ক্লিনিকত পৰ্যাপ্ত ঔষধৰ মজুত নিশ্চিত কৰিবলৈ নিৰ্দেশ দিছে।
উল্লেখ্য দিল্লীত মহৰ প্ৰজননস্থলী ধ্বংস নকৰা পৰিয়ালে দিব লাগিব ১০০০ টকাৰ জৰিমনা। ব্যৱসায়িক প্ৰতিষ্ঠানৰ ক্ষেত্ৰত এই জৰিমনাৰ পৰিমাণ ৫০০০ টকা। দিল্লীৰ স্বাস্থ্য মন্ত্ৰীয়ে লগতে কয় যে ডেংগুৰ সংক্ৰমণ নিয়ন্ত্ৰণত ৰখাৰ বাবে মুখ্যমন্ত্ৰী অৰবিন্দ কেজৰিৱালে ইয়াৰ পূৰ্বে দিল্লীৰ ডেংগু পৰিস্থিতি পৰ্যালোচনা কৰিবলৈ দিল্লী সচিবালয়ত এখন বৈঠক আহ্বান কৰিছিল। যোৱা দুসপ্তাহত, দিল্লীত ডেংগুৰ ৫১ টা ইতিবাচক ঘটনা ধৰা পৰিছে।
Continue Reading
