ডিজিটেল ডেস্কঃ উত্তৰ-প্ৰদেশ, বিহাৰৰ লোকেৰে ভৰি আছে দেশৰ ৰাজধানী চহৰ দিল্লী। চিএছডিএছৰ শেহতীয়া জৰীপে দেখুৱাইছে যে উত্তৰ প্ৰদেশ, বিহাৰ আৰু বংগৰ পৰা যোৱা সৰ্বাধিক সংখ্যক প্ৰব্ৰজনকাৰী শ্ৰমিক আছে দিল্লীত । দৰাচলতে দেশৰ ৰাজধানী চহৰ দিল্লীত আন ৰাজ্যৰ বহু সংখ্যক লোক বাস কৰে।
চিএছডিএছ চলোৱা জৰীপ অনুসৰি, দিল্লীত বস্তিপ্ৰধান স্থান আৰু অননুমোদিত বসতিস্থলত বাস কৰা ১০ জন লোকৰ ভিতৰত আঠজনেই উত্তৰ প্ৰদেশ, বিহাৰ বা পশ্চিম বংগৰ পৰা যোৱা লোক। এক কথাত ক’বলৈ গ’লে ৭০ শতাংশ লোক উত্তৰ প্ৰদেশ আৰু বিহাৰৰ। তাতকৈও আশ্চৰ্যজনক কথাটো হ'ল যে এই লোকসকলৰ ৭৮ শতাংশৰ পৰিয়ালৰ উপাৰ্জন প্ৰতি মাহে ২০,০০০ টকাতকৈ কম। সমীক্ষাত পোৱা গৈছে যে সেই বাহিৰৰ পৰা যোৱা লোকৰ প্ৰায় ৪৫.৫ শতাংশ ১০ বছৰতকৈও অধিক সময় ধৰি চহৰখনত বাস কৰি আছে।
একে সময়তে, ২৮.৭ শতাংশ লোক ইয়াত জন্মগ্ৰহণ কৰিছে। লগতে ৪৮.২ শতাংশৰ বয়স ৩৫ বছৰৰ তলত। বাহিৰৰ পৰা যোৱা লোকৰ জনসংখ্যাত বহুসংখ্যক পুৰুষ আছে। লগতে, এই লোকসকলৰ বেছিভাগৰ ঘৰত ২ টা কোঠাও নাই। ৮১.৯ শতাংশ পুৰুষ বিবাহিত। যোৱা কেইবাটাও লোকপিয়লৰ প্ৰতিবেদনত এই কথা প্ৰকাশ পাইছে যে যদি দিল্লীক প্ৰব্ৰজনকাৰীৰ চহৰ বুলিও কোৱা হয় তেন্তে কোনো ভুল কোৱা নহ’ব।
ইয়াৰ উপৰি জৰীপটোৱে এই কথাও প্ৰকাশ কৰিছিল যে ৬০ শতাংশৰো অধিক লোকে মধ্য বিদ্যালয়ৰ বাহিৰৰে কোনো শিক্ষা গ্ৰহণ কৰা নাই। ইয়াৰ ভিতৰত, মাত্ৰ ৮.৫ শতাংশৰ হয় মহাবিদ্যালয়ৰ স্নাতক বা উচ্চ শিক্ষাগত অৰ্হতা আছে। একে সময়তে ৮৩.৭ শতাংশ লোকে এলপিজি ব্যৱহাৰ কৰে।
৫৩ শতাংশ লোকৰ ঘৰত টেলিভিছন ছেট আছে। ইয়াৰ বাহিৰেও ৮৪.২ শতাংশ লোকৰ বেঙ্ক বা ডাকঘৰত একাউণ্ট আছে। মাত্ৰ ৪০ শতাংশৰ এটিএম আৰু ক্ৰেডিট কাৰ্ড আছে। একে সময়তে ৯৬ শতাংশৰো অধিক লোকৰ আধাৰ কাৰ্ড আছে। লগতে প্ৰতি তিনিজনৰ ভিতৰত মাত্ৰ এজনে দিল্লী চৰকাৰৰ কল্যাণমূলক আঁচনিৰ সুবিধা ল'বলৈ সক্ষম হৈছে। ইয়াৰ ভিতৰত ৬০ শতাংশ লোকে বিদ্যুতৰ ৰাজসাহায্য লাভ কৰিছে আৰু ৪০ শতাংশ লোকে বিনামূলীয়া ৰেচন লাভ কৰিছে। চৰকাৰৰ বিনামূলীয়া পানী যোগান আঁচনিৰ দ্বাৰা প্ৰায় ২৭ শতাংশ লোক উপকৃত হৈছে।
Continue Reading
