ডিজিটেল ডেস্কঃ দেশৰ ১ কোটি পৰিয়ালে প্ৰতি মাহে লাভ কৰিব ৩০০ ইউনিটকৈ বিনামূলীয়া বিদ্যুৎ । প্ৰধানমন্ত্ৰী নৰেন্দ্ৰ মোদীয়ে মঙলবাৰে বিনামূলীয়া বিদ্যুত যোগানৰ বাবে ছাদৰ সৌৰ আঁচনি মুকলি কৰাৰ কথা ঘোষণা কৰে। এই আঁচনিৰ নাম দিয়া হৈছে প্ৰধানমন্ত্ৰী সূৰ্য ঘৰ মুফ্ট বিজুলী যোজনা।
এই আঁচনিৰ কথা ঘোষণা কৰি প্ৰধানমন্ত্ৰীয়ে এক্সত লিখিছে, "বহনক্ষম উন্নয়ন আৰু জনসাধাৰণৰ সুস্থতাৰ বাবে আমি প্ৰধানমন্ত্ৰী সূৰ্য ঘৰ মুফ্ট বিজুলী যোজনা আৰম্ভ কৰিছো। ৭৫,০০০ কোটি টকাৰ অধিক বিনিয়োগেৰে গ্ৰহণ কৰা এই প্ৰকল্পৰ লক্ষ্য হৈছে প্ৰতি মাহে ৩০০ ইউনিটলৈকে বিনামূলীয়া .বিদ্যুৎ প্ৰদান কৰি ১ কোটি পৰিয়ালৰ ঘৰ পোহৰাই তোলা ।" এই আঁচনিৰ অদীনত সকলো অংশীদাৰক ৰাষ্ট্ৰীয় অনলাইন পৰ্টেলৰ সৈতে সংযুক্ত কৰা হ'ববুলি মোদীয়ে কয়।
এই আঁচনিখন তৃণমূল পৰ্যায়ত জনপ্ৰিয় কৰি তোলাৰ বাবে নগৰীয় স্থানীয় সংস্থা আৰু পঞ্চায়তসমূহক তেওঁলোকৰ অধিকাৰ ক্ষেত্ৰত ছাদৰ সৌৰ প্ৰণালীৰ প্ৰচাৰৰ বাবে অধিক উৎসাহিত কৰা হ'ব। একে সময়তে এই আঁচনিৰ ফলত কম বিদ্যুৎ বিল আৰু মানুহৰ বাবে নিযুক্তিৰ সুবিধা সৃষ্টি হ'ব বুলি মোদীয়ে উল্লেখ কৰে। । প্ৰধানমন্ত্ৰী মোডীয়ে সকলোকে , বিশেষকৈ যুৱক-যুৱতীসকলক প্ৰধানমন্ত্ৰী সূৰ্য ঘৰ মুফ্ট বিজুলী যোজনা শক্তিশালী কৰিবলৈ আহ্বান জনায়। প্ৰধানমন্ত্ৰী সূৰ্য ঘৰ মুফ্ট বিজুলী যোজনাৰ বাবে পোনপটীয়া এই লিংকত আবেদন কৰিব পৰা যাব pmsuryaghar.gov.in।
Continue Reading
