ডিজিটেল ডেস্কঃ বিশ্ব ৰাজনীতিৰ প্ৰভাৱশালী নেতাসমূহৰ ভিতৰত অন্যতম ভাৰতৰ প্ৰধানমন্ত্ৰী নৰেন্দ্ৰ মোদীৰ নাম শেহতীয়াকৈ শান্তিৰ নোবেল বটাঁৰ বাবে উচ্চাৰিত হৈছে৷
ইউৰোপত চলি থকা ৰাছিয়া-ইউক্ৰেইন যুদ্ধ প্ৰতিৰোধৰ ক্ষেত্ৰত ভাৰতৰ প্ৰধানমন্ত্ৰী নৰেন্দ্ৰ মোদীৰ শলাগ লৈ নোবেল কমিটিৰ উপ-সভাপতি এশ্লে ট’জেই প্ৰধানমন্ত্ৰী মোদীক শান্তিৰ নোবেল বঁটাৰ প্ৰবল দাবীদাৰ হিচাপে অভিহিত কৰে৷
এশ্লে ট’জেৰ মতে,প্ৰধানমন্ত্ৰী মোদীয়ে যিদৰে ৰাছিয়াৰ ৰাষ্ট্ৰপতি ভ্লাদিমিৰ পুটিনক যুদ্ধ পৰিণাম সম্পৰ্কে বুজাই সেইয়া অনুকৰণীয়,তেখেতে পাৰমাণৱিক যুদ্ধৰ পৰিণতি সম্পৰ্কেও কঠোৰ বুজনি দিছে৷আন্তঃৰাষ্ট্ৰীয় ৰাজনীতিত সেয়েহে এনে নেতাৰ প্ৰয়োজন আছে৷
তদুপৰি ট’জেৰ মতে,প্ৰধানমন্ত্ৰী নৰেন্দ্ৰ মোদী শান্তিৰ নোবেল বঁটাৰ প্ৰবল দাবীদাৰ কাৰণ তেখেত এজন বিশ্বাসী নেতা যিজনে শান্তি প্ৰতিষ্ঠা কৰিব পাৰিব৷লগতে তেওঁ কয় যে প্ৰধানমন্ত্ৰী মোদী বিশ্বৰ সেই ৰাষ্ট্ৰনেতাসমূহৰ ভিতৰত অন্যতম যিসকলে বিশ্বশান্তিৰ বাবে অহোপুৰুষাৰ্থ কৰি আছে৷
এশ্লেই জনোৱা অনুসৰি,ভাৰতক এখন বিকশিত দেশ বনোৱাত প্ৰধানমন্ত্ৰী মোদীৰ ভূমিকা অনস্বীকাৰ্য৷ভাৰতবৰ্ষই শান্তি উত্তৰাধিকাৰী সূত্ৰে লাভ কৰিছে৷তেওঁ লগতে উল্লেখ কৰে যে বিশ্বশান্তি প্ৰতিষ্ঠাৰ বাবে প্ৰধানমন্ত্ৰী মোদী আটাইতকৈ বিশ্বাসী ৰাষ্ট্ৰনেতা৷
Continue Reading
