ডিজিটেল ডেস্ক: প্ৰীতি জিণ্টাৰ প্ৰকৃত নামক লৈ চলিছে নতুন চৰ্চা৷ প্ৰীতি জিণ্টা অভিনেত্ৰীগৰাকীৰ প্ৰকৃত নাম নহয় নেকি? অভিনয়ৰ বাবেহে প্ৰীতি জিণ্টা নামটো ব্যৱহাৰ কৰি আহিছে নেকি অভিনেত্ৰীগৰাকীয়ে?
কিন্তু, কথাটোৰ সত্যাসত্য কিমান? প্ৰকৃততে প্ৰীতিৰ নাম প্ৰীতম সিং জিণ্টা নেকি? এই সন্দৰ্ভত মুখ খুলিছে অভিনেত্ৰীগৰাকীয়ে৷
অভিনেত্ৰীগৰাকীয়ে তেওঁৰ প্ৰকৃত নামৰ সন্দৰ্ভত এটা অতি ধেমেলীয়া স্পষ্টীকৰণ জাৰি কৰিছে ইনষ্টাগ্ৰাম হেণ্ডেলত। ইনষ্টাগ্ৰামত মুকলি কৰা এটা ভিডিঅ’ ক্লিপত প্ৰীতিয়ে কয়, মই ইয়ালৈ আহিছোঁ কাৰণ বহুলোকে মোক সুধি থাকে যে প্ৰীতি জিণ্টা মোৰ প্ৰকৃত নাম নে এইটো প্ৰীতম সিং জিণ্টা? গতিকে মই কেৱল এইটো স্পষ্ট কৰিব বিচাৰো যে প্ৰীতম সিং জিণ্টা কেতিয়াও মোৰ নাম নাছিল। মই নাজানো এইটো নাম গুগলত কেনেকৈ উপলব্ধ হৈছে। মোৰ প্ৰকৃত নাম সদায় প্ৰীতি জিণ্টা।
ভিডিঅ’টোৰ সৈতে প্ৰীতি জিণ্টাই লিখিছিল, বিগত বছৰবোৰত মই বিভিন্ন সংবাদ মাধ্যমৰ প্ৰবন্ধত ধাৰাবাহিকভাৱে পঢ়ি আহিছোঁ যে মই মোৰ নাম প্ৰীতম সিং জিণ্টাৰ পৰা প্ৰীতি জিণ্টালৈ সলনি কৰিছোঁ৷ কিন্তু এয়া সঁচা নহয়৷ প্ৰীতম সিং কেতিয়াও মোৰ নাম নাছিল। এয়া সদায় প্ৰীতি। আশা কৰোঁ এতিয়াৰ পৰা সকলো অস্পষ্টতা চিৰকালৰ বাবে স্পষ্ট হ’ব৷
Continue Reading
