ডিজিটেল ডেস্কঃ জলবায়ু পৰিৱৰ্তনৰ বিৰুদ্ধে যুঁজখনক জনআন্দোলন হিচাপে গঢ়ি তুলিবলৈ প্ৰধানমন্ত্ৰী নৰেন্দ্ৰ মোদীয়ে সদায় পৰ্চেষ্টা অব্যাহত ৰাখিছে৷ তেওঁক ২০১৯ চনত মহাবলিপুৰমৰ সাগৰৰ পাৰত পেলনীয়া প্লাষ্টিক বুটলি থকা দেখা গৈছিল৷ বুধবাৰে, প্ৰধানমন্ত্ৰী মোডীয়ে এটা নীলা জেকেট পিন্ধি সংসদলৈ আহে৷
তেওঁ সংসদত পিন্ধা নীলা জেকেটটো মোদীৰ বাবে বিশেষ আছিল ৷ কাৰণ এই জেকেটটো পুনৰ ব্যৱহাৰ কৰা প্লাষ্টিক বটলৰ পৰা তৈয়াৰ কৰা হৈছে। প্ৰধানমন্ত্ৰী মোদীয়ে বুধবাৰে লোকসভাত ৰাষ্ট্ৰপতিৰ ভাষণৰ বাবে ধন্যবাদ প্ৰস্তাৱ প্ৰদান কৰিবলৈ সংসদত উপস্থিত হৈছিল৷
ইণ্ডিয়ান অইল কৰ্পোৰেশ্যনে (আইঅ'চি) বাংগালুৰুত ভাৰত শক্তি সপ্তাহত প্ৰধানমন্ত্ৰী মোদীক জেকেটটো উপহাৰ দিছিল৷ শেহতীয়াকৈ চৰকাৰে ১৯,৭০০ কোটি টকা ব্যয়ৰে ৰাষ্ট্ৰীয় সেউজ হাইড্ৰজেন মিছনও আৰম্ভ কৰিছে৷ এই অভিযানে নিম্ন কাৰ্বন নৰ্গমনত সহায় কৰিব, জীৱাশ্ম ইন্ধন আমদানিৰ ওপৰত নিৰ্ভৰশীলতা হ্ৰাস কৰিব । মোদীৰ জেকেটটোৰ দৰেই পেলনীয়া প্লাষ্টিক ব্যৱহাৰ কৰি নানান বস্ত্ৰ প্ৰস্তুত কৰা হৈছে৷ প্লাষ্টিকৰ ৰিচাইক্লিঙৰ ফলত প্ৰদূষণ হ্ৰাস পাব বুলি ধাৰণা কৰা হৈছে৷
Continue Reading
