ডিজিটেল ডেস্কঃ যিসকল যুৱকৰ প্ৰেয়সী নাই, তেওঁলোকৰ বাবে সুখবৰ। জীৱনত প্ৰেম নথকাটো 'স্বাধীনতা’। এই স্বাধীনতা উপভোগ কৰিব লাগে!
এই মন্তব্য কৰিছে নাগালেণ্ডৰ মন্ত্ৰী টেমজেন ইমনা আলঙে। প্ৰেম দিৱসত প্ৰেমত নপৰা অবিবাহিত লোকসকলৰ বাবে এনে এক বাৰ্তা প্ৰদান কৰে তেওঁ। টেমগেনে নিজৰ টুইটাৰ হেণ্ডেলৰ পৰা এই বাৰ্তা দিছে।
মন্ত্ৰীগৰাকীয়ে লিখিছে, ‘স্বাধীনতা এক উপহাৰ। যিটো সকলোৰে বাবে নহয়। আহক আমি এই দিনটো উদযাপন কৰো। হেইল টু দ্য কম্পেনিয়নলেছ!''
ভেলেণ্টাইন ডে’ৰ পুৱা টেমগেনে এই টুইট কৰিছিল। এতিয়ালৈকে ৫ লাখ ৫০ হাজাৰ লোকে এই টুইটটো চাইছে। এই টুইটত বহু লোকে প্ৰতিক্ৰিয়াও প্ৰকাশ কৰিছে।
টেমজেন নাগালেণ্ডৰ উচ্চ শিক্ষা আৰু জনজাতি পৰিক্ৰমা মন্ত্ৰী। তেওঁ নাগালেণ্ডৰ ৰাজ্যিক বিজেপিৰ সভাপতিও।
ছ’চিয়েল মিডিয়াতো টেমগেন যথেষ্ট জনপ্ৰিয়। বিগত বৰ্ষৰ জুলাই মাহতো মন্ত্ৰীগৰাকীয়ে অবিবাহিত হিচাপে থকাৰ বিষয়ে টুইট কৰি ভাইৰেল হৈ পৰিছিল।
এইবাৰো ভেলেণ্টাইন ডে’ৰ দিনা সংগীহীন জীৱনৰ মধুৰতা প্ৰকাশ কৰি অনুৰাগীসকলৰ দৃষ্টি আকৰ্ষণ কৰিছে তেওঁ।
Continue Reading
