ডিজিটেল ডেস্কঃ প্ৰেম, বিচ্ছেদ, পুত্ৰস্নেহ, প্ৰাক্তন স্বামীৰ প্ৰতি দায়িত্ববোধ- 'আইটেম গাৰ্ল’ মালাইকা অৰোৰাই এই সকলোবোৰ দিশ চম্ভালিব লগা হৈছে। প্ৰেমিক অৰ্জুন কাপুৰৰ স’তে মালাইকাই নতুন বছৰটো উদযাপন কৰে। তাৰপাছতে প্ৰাক্তন স্বামী আৰবাজ খানৰ সৈতে ডিনাৰ কৰে।
মালাইকা অৰোৰা আৰু আৰবাজৰ স’তে তেওঁলোকৰ পুত্ৰ আৰহান ডিনাৰত অংশ লয়। দম্পতীহালে ২০১৭ চনত তেওঁলোকৰ ১৭ বছৰীয়া বিবাহ সমাপ্ত কৰিছিল। কিন্তু তেওঁলোকে সেইসময়ত এইটোও কৈছিল যে তেওঁলোকে তেওঁলোকৰ পুত্ৰক একেলগে চোৱা-চিতা কৰিব। সেইবাবেই দুয়োৱে নতুন বছৰৰ ডিনাৰত অংশ লয়।
আনহাতে, মালাইকা আৰু আৰবাজৰ ডিনাৰৰ ফটো সামাজিক ভাইৰেল হৈ পৰিছে। অনেকে ফটোসমূহক লৈ বিভিন্ন মন্তব্য কৰিছে। কিছুৱে 'অৰ্জুন ক’ত আছে?’ বুলিও প্ৰশ্ন কৰিছে।
উল্লেখ্য মালাইকাই চৰ্চিত ব্যক্তিগত জীৱনৰ উপৰিও নিজৰ কামতো ব্যস্ত হৈ আছে। শেহতীয়াকৈ, 'আইটেম গাৰ্ল’গৰাকীৰ ওপৰত আধাৰিত 'মুভিং ইন উইথ মালাইকা' চিৰিজটো মুকলি কৰা হৈছে।
Continue Reading
