ডিজিটেল ডেস্কঃ ছত্তীশগড়ৰ কবীৰধাম জিলাত সংঘটিত বোমা বিস্ফোৰণত নিহত হৈছে এজন সদ্য বিবাহিত পুৰুষ আৰু তেওঁৰ ভাতৃ। বিস্ফোৰণৰ ঘটনাত আহত হৈছে এটি শিশু আৰু এগৰাকী মহিলাসহ আন চাৰিজন লোক।
বাতৰি অনুসৰি, কইনাৰ প্ৰাক্তন প্ৰেমিকে বিয়াৰ উপহাৰ হিচাপে দিয়া মিউজিক চিষ্টেমত এই বোমাটো ৰখা আছিল। এই ঘটনাত আৰক্ষীয়ে মঙলবাৰে প্ৰাক্তন প্ৰেমিকক গ্ৰেপ্তাৰ কৰে।
মৃত দৰাজনৰ নাম হিমান্দ্ৰ মেৰাই। ১ এপ্ৰিলত তেওঁলোকৰ বিবাহ হয়। বিয়াৰ উপহাৰ হিচাপে তেওঁ লাভ কৰিছিল হোম থিয়েটাৰ মিউজিক চিষ্টেম।
যোৱা সোমবাৰে যেতিয়া এই উপহাৰটো পৰীক্ষা কৰি চোৱাৰ বাবে বিদ্যুতৰ সৈতে সংযোগ কৰা হৈছিল, তেতিয়াই তীব্ৰ শব্দৰে বিস্ফোৰণ ঘটে। বিস্ফোৰণত থিতাতে নিহত হয় হিমান্দ্ৰ। চিকিৎসাধীন অৱস্থাত তেওঁৰ ভাতৃৰো মৃত্যু হয়।
এই বিস্ফোৰণৰ ঘটনাত ঘৰৰ বেৰ ভাঙি মহিলা আৰু শিশুসহ আন চাৰিজন লোক আহত হয়।
বিস্ফোৰণৰ তদন্ত কৰি আৰক্ষীয়ে কয় যে বোমা উপহাৰ প্ৰেৰণ কৰা ব্যক্তিজন নৱবিবাহিত মহিলাগৰাকীৰ প্ৰেমিক। তেওঁৰ নাম চাৰ্জু।
কবীৰধামৰ আৰক্ষী অধীক্ষক মনীষ ঠাকুৰে কয় যে প্ৰেমিকৰ আন ঠাইত বিয়া হোৱাৰ বাবে খঙতে বিস্ফোৰক সামগ্ৰীৰ সৈতে উপহাৰ পঠিয়াইছিল বুলি চাৰ্জুৱে স্বীকাৰ কৰিছে।
Continue Reading
