ডিজিটেল ডেস্কঃ পেটৰ ফ্লু যাক গেষ্ট্ৰ’এণ্টেৰাইটিছ বুলিও কোৱা হয়। এইটো এটা ভাইৰাছৰ সংক্ৰমণ যিটো অন্ত্ৰত হয়। এই ৰোগত আক্ৰান্ত যিকোনো ব্যক্তিৰ সংস্পৰ্শলৈ আহিলে আপুনি ইয়াৰ চিকাৰ হ’ব পাৰে। বতৰ পৰিৱৰ্তিত হোৱাৰ বাবে এই সমস্যাটো অতি সাধাৰণ হৈ পৰে। এই কাৰণেই শেহতীয়াকৈ দিল্লীত পেট ফ্লুৰ ৰোগীৰ সংখ্যা যথেষ্ট বৃদ্ধি পাইছে।
সাধাৰণতে পেটৰ ফ্লু মাত্ৰ ১-৩ দিনহে থাকে। কিন্তু সঠিক সময়ত চিকিৎসা নকৰিলে এই সময়সীমাও বৃদ্ধি পাব পাৰে। আপোনালোকক কওঁ যে এই ৰোগৰ বাবে শৰীৰটো ইমানেই দুৰ্বল হৈ পৰিব পাৰে যে সুস্থ হোৱাৰ পিছতো অন্ত্ৰৰ সঠিক কাম কৰিবলৈ ১-২ সপ্তাহ সময় লাগিব পাৰে। এনে পৰিস্থিতিত নিজকে সুস্থ কৰি ৰাখিবলৈ ইয়াৰ লক্ষণ আৰু প্ৰতিৰোধৰ ব্যৱস্থা জনাটো অতি প্ৰয়োজনীয়।
পেটৰ ফ্লু কেনেকৈ হয়?
এন আই এইচৰ তথ্য অনুসৰি বহুতো ভাইৰাছৰ দ্বাৰা পেটৰ ফ্লু হ’ব পাৰে। ইয়াৰ ভিতৰত মূলতঃ ন’ৰ’ভাইৰাছ, ৰোটাভাইৰাছ, এডিন’ভাইৰাছ, এষ্ট্ৰ’ভাইৰাছ আদি অন্তৰ্ভুক্ত। এইবোৰ সাধাৰণতে দূষিত খাদ্যৰ জৰিয়তে শৰীৰত প্ৰৱেশ কৰে। ভাইৰাছৰ ওপৰত নিৰ্ভৰ কৰি পেটৰ ফ্লুৰ লক্ষণসমূহ বিভিন্ন সময়ত দেখা দিব পাৰে।
এই লক্ষণসমূহ আওকাণ নকৰিব
পানীৰ দৰে ডায়েৰিয়া
পেটৰ বিষ বা জ্বলা-পোৰা কৰা
বমি বা ওকালি হোৱা
মাজে মাজে জ্বৰ
পেট চিকুটি থকা বা পাক মাৰি ধৰা
ডিহাইড্ৰেচন
পেটৰ ফ্লুৰ আশংকা কাৰ বেছি?
ক্লিভলেণ্ড ক্লিনিকৰ মতে, যিসকল লোকৰ ৰোগ প্ৰতিৰোধ ক্ষমতা অতি দুৰ্বল, তেওঁলোকৰ পেটৰ ফ্লু বেছিকৈ দেখা যায়। ইয়াৰ বাহিৰেও শিশু আৰু বৃদ্ধ লোক এই সংক্ৰমণত বেছিকৈ আক্ৰান্ত হয়৷
পেটৰ ফ্লু কেনেকৈ প্ৰতিৰোধ কৰিব পাৰি
পেটৰ ফ্লুৰ পৰা হাত সাৰিবলৈ আটাইতকৈ উত্তম আৰু ফলপ্ৰসূ উপায় হ’ল হাত দুখন সঘনাই চেনিটাইজ কৰা। খাদ্য সামগ্ৰী ধুই খাব। সহ-ৰোগী লোকৰ পৰা দূৰত্ব বজাই ৰাখক। ইয়াৰ বাহিৰেও বাহিৰৰ খাদ্য যিমান পাৰি কমকৈ খাব লাগে।
Continue Reading
